માંડવી બેઠક પર ભાજપનો દબદબો રહ્યો છે. ચૂંટણી 2022 મહાજંગમાં આ બેઠક પર કોણ બાજી મારશે. ગુજરાતની 182 વિધાનસભા બેઠકમાં માંડવી વિધાનસભા બેઠક બીજા ક્રમાંકે છે. કચ્છને વર્ષોથી ભારતીય જનતા પાર્ટીનો ગઢ ગણવામાં આવે છે. કચ્છમાં વિધાનસભાની 6 બેઠકોમાંથી 5 બેઠકો પર ભારતીય જનતા પાર્ટીના અને એક બેઠક પર કોંગ્રેસના ધારાસભ્ય છે. ગ્રામીણ મતદારો ધરાવતી માંડવી વિધાનસભા બેઠકમાં માંડવી અને મુંદ્રા તાલુકાના ગામનો સમાવેશ થાય છે. વર્ષ 2012ના નવા સીમાંકન બાદ માંડવીના ભૌગોલિક વિસ્તારમાં પણ વધારો થયો છે.

માંડવી વિધાનસભા બેઠક પર મતદારોની સંખ્યા

કચ્છ જીલ્લાની યાદી અનુસાર માંડવી વિધાનસભા સીટ પર કુલ 2,57,359 મતદારો છે. જેમાં 1,31,978 પુરુષ મતદારો, 1,25,380 મહિલા મતદારો અને 1 અન્ય મતદારનો સમાવેશ થાય છે.

માંડવી બેઠક પર કેવું છે જ્ઞાતિનું સમીકરણ?

જાતીય સમીકરણની વાત કરવામાં આવે તો 35 ટકા સવર્ણ, 21 ટકા મુસ્લિમ, 13 ટકા દલિત, 15 ટકા ઓબીસી, 7 ટકા એસ.ટી અને 08 ટકા અન્ય જાતિનો સમાવેશ થાય છે. જોકે, જાતીગત ગણિતની વાત કરવામાં આવે તો માંડવી બેઠક પર 20,000 જેટલા મત પાટીદારોના પણ છે.

માંડવી વિધાનસભા બેઠક પરિણામ

2012 માંડવી વિધાનસભા બેઠક પરિણામ

માંડવી વિધાનસભા બેઠક માટે ભાજપના ઉમેદવાર તારાચંદ છેડાને 61,984 મત મળ્યા હતા, જ્યારે કોંગ્રેસના ઉમેદવાર કિશોરસિંહ પરમારને 53,478 મત મળ્યા હતા તેમાંથી  2012માં માંડવીની વિધાનસભા બેઠક માટે ભાજપના તારાચંદ છેડા 61,984 મત મેળવી વિજેતા બન્યા હતા.

2017 માંડવી વિધાનસભા બેઠક પરિણામ

માંડવી વિધાનસભા બેઠક માટે ભાજપના ઉમેદવાર વિરેન્દ્રસિંહ જાડેજાને 79,469 મત મળ્યા હતા, જ્યારે કોંગ્રેસના ઉમેદવાર શક્તિસિંહ ગોહિલને 70,423 મત મળ્યા હતા તેમાંથી  2017માં માંડવીની વિધાનસભા બેઠક માટે ભાજપના વિરેન્દ્રસિંહ જાડેજા 79,469 મત મેળવી વિજેતા બન્યા હતા.

માંડવી વિધાનસભા બેઠક પર મતદારોના સમીકરણ

બેઠક ઉપર કયા પક્ષનું વર્ચસ્વ ?

માંડવી બેઠક પર ભાજપનો દબદબો રહ્યો છે. ચૂંટણી 2022 મહાજંગમાં આ બેઠક પર કોણ બાજી મારશે. ગુજરાત વિધાનસભા 2022ની વિધાનસભા ચૂંટણીમાં ત્રિપાંખિયો જંગ ખેલાવા જઈ રહ્યો છે. ભાજપ, કોંગ્રેસ અને આમ આદમી પાર્ટીએ ગુજરાત વિધાનસભા બેઠકો કબ્જે કરવા માટેની તૈયારીઓ શરૂ કરી દીધી છે. ગુજરાતમાં છેલ્લા અઢી દાયકાથી ભાજપ સત્તા પર છે. કોંગ્રેસ આ ચૂંટણીમાં પોતાનું વર્ચસ્વ બતાવવાની કોશિશ કરી રહી છે. વિધાનસભા ચૂંટણીને લઈને અત્યારથી જ તમામ પક્ષો પોતાનો પ્રચાર પ્રસાર કરી રહ્યા છે અને ચૂંટણી જીતવા માટે એડીચોટીનું જોર લગાવી રહ્યા છે.