Published By : Patel Shital

• તા 9 એપ્રિલે પહેલી ગુજરાતી ફિલ્મ નરસિંહ મહેતા રિલીઝ થઈ હતી….

આજે ગુજરાતી ફિલ્મ ઈન્ડસ્ટ્રીઝ માટે મહત્વનો દિવસ છે તા 9 એપ્રિલ 1932ના રોજ પહેલી ગુજરાતી ફિલ્મ નરસિંહ મહેતા રિલીઝ થઈ હતી. પહેલી ગુજરાતી ફિલ્મ નરસિંહ મહેતા 9 એપ્રિલ 1932નાં રજૂ થઈ હતી.

ભારતની પ્રથમ ગુજરાતી ફિલ્મ નરસિંહ મહેતા 9-એપ્રિલ- 1932ના મુંબઈના સિનેમાઘરમાં રજૂ થઈ હતી અને ત્યારથી ગુજરાતી સિનેમાના યુગનો પ્રારંભ થયો. ગુજરાતી સિનેમાનો 9મી એપ્રિલે 92 માં વર્ષમાં પ્રવેશ થયો છે. સોમનાથમાં તે સમયે આરાધના ટોકિઝમાં માત્ર ગુજરાતી ફિલ્મો જ રજૂ થતી અને લોકો ગામડે ગામડેથી ફિલ્મો જોવા આવતા. ટોકિઝમાં હાઉસ ફૂલના પાટિયા જોવા મળતા. ટિકિટોના કાળાબજાર થતા. તે સમયે ગુજરાતી ફિલ્મનો ક્રેઝ હતો અને ટિકિટના દર માત્ર પોણા પાંચ આના હતા. ફિલ્મની ટિકિટો મેળવવા માટે હંમેશા લાંબી લાઈનો લાગતી હતી. ઉલ્લેખ કરવો રહ્યો કે સોમનાથ મંદિર પરિસરમાં રાણકદેવી, સોમનાથ સખાતે, સરદાર વલ્લભભાઈ પટેલ જેવી ફિલ્મના શૂટિંગ થયા હતા. અનેક ગુજરાતી ફિલ્મોના પ્રિમીયર શો વેરાવળમાં યોજાતા અને તેમાં ગુજરાતી ફિલ્મના કલાકારો હાજરી આપવા આવતા. એટલુ જ નહી પરંતુ વર્ષ 1975માં પ્રથમ વખત ગુજરાતી રંગીન ફિલ્મ જેસલ તોરલ બની હતી અને સાથે જ ગુજરાતી ફિલ્મનો સુર્વણકાળ શરૂ થયો હતો. તે સતત 1985 સુધી ચાલ્યો હતો. તે સમયે અનેક ગુજરાતી ફિલ્મો સુપરહીટ થઈ હતી.