Published by : Rana Kajal

અભિનેતા અને ડાન્સ ર મિથુન ચક્રવર્તી ચાર સંતાનોનો પિતા હોવા છતાં પાપા શબ્દ સાંભળી શક્યો નથી…
મિથુન ચક્રવર્તી બોલિવૂડના સર્વશ્રેષ્ઠ અભિનેતા અને સૌ પ્રથમ સુપર ડાન્સર છે. જેણે પડદા પર ઘણું નામ કમાવ્યું હતું. પરંતુ તેમનું અંગત જીવન ઘણા ઉતાર-ચઢાવમાંથી પસાર થયું. અભિનેતાનું દર્દનાક પાસું પણ છે છેલ્લા ચાર દાયકાથી દર્શકોનું મનોરંજન કરી રહેલા મિથુન ચક્રવર્તીની ફેન ફોલોઈંગ આજે પણ જબરદસ્ત છે અને ચાહકો તેમને ‘મિથુન દા’ કહીને બોલાવે છે.મિથુને અભિનેત્રી યોગિતા બાલી સાથે લગ્ન કર્યા છે.આ દંપતી ચાર બાળકોના માતા-પિતા છે. પરંતુ મિથુનનું કોઈ પણ બાળક તેને પાપા કહીને બોલાવતું નથી. આ વાતનો ખુલાસો ખુદ અભિનેતાએ ડાન્સ રિયાલિટી શો કર્યો હતો. પોતાના અંગત જીવનનો ઉલ્લેખ કરતા મિથુને કહ્યું હતું કે તેના બાળકો તેને ક્યારેય પાપા કહેતા નથી.તેની પાછળનું કારણ એ છે કે જ્યારે તેનો પહેલો દીકરો મિમોહનો જન્મ થયો ત્યારે તે ચાર વર્ષ સુધી બોલ્યો ન હતો અને જ્યારે તેણે બોલવાનું શરૂ કર્યું ત્યારે મિથુન સૌથી પહેલા બોલતો હતો. અભિનેતાએ આગળ કહ્યું કે, જ્યારે મેં મિમોહના ડૉક્ટરને કહ્યું કે તેઓ મિથુન બોલ્યા છે. તો ડૉક્ટરે કહ્યું, “તે ખૂબ સારું છે કે તમે તેને મિથુન બોલવા માટે પ્રેરિત કરતા રહો. ત્યારથી, મિમોહના ભાઈ-બહેનો પણ તેને મિથુન કહેવા લાગ્યા હતા”આમ અભિનેતા મિથુન આજે પણ… પાપા… શબ્દ સાંભળવા તરસી રહયો છે.