Published By : Patel Shital

• રસાકસી ભરેલ FIFA વર્લ્ડ કપ 2022 જીતનાર કેપ્ટન લિયોનેલ મેસ્સીએ પોતાની ચેમ્પિયન ટીમ આર્જેન્ટીના માટે એક ખાસ ભેટ આપવાનું નક્કી કર્યું

આ ખાસ ભેટ અંગે વિગતે જોતા મેસ્સીએ તેની ટીમના સભ્યો અને સપોર્ટ સ્ટાફ માટે 35 ગોલ્ડ આઈફોનનો ઓર્ડર આપ્યો હતો. આ iPhones સંપૂર્ણપણે પર્સનલાઈઝ્ડ છે. રિપોર્ટ્સ અનુસાર, આર્જેન્ટિનાના કેપ્ટન તેને શનિવારે તેના પેરિસ એપાર્ટમેન્ટમાં લઈ ગયા હતા. લિયોનેલ મેસ્સીની કેપ્ટન્સીમાં આર્જેન્ટિનાએ ગયા વર્ષે વર્લ્ડ કપ જીત્યો હતો. આ જીતથી મેસ્સી ખૂબ જ ભાવુક થઈ ગયો કારણ કે તેણે આ માટે બે દાયકાથી વધુ સમય સુધી રાહ જોઈ હતી. વાસ્તવમાં, 20 વર્ષમાં પ્રથમ વખત એવું બન્યું હતું કે કોઈ બિન-યુરોપિયન ટીમે વર્લ્ડ કપ જીત્યું હોય. તેથી આ જીત ખૂબ મહત્વની છે. મેસ્સી આ જીતથી એટલો ખુશ છે કે તેણે વિજેતા ટીમના લોકોને આ ખાસ ભેટ આપવાનું નક્કી કર્યું છે. ધ સનના એક રિપોર્ટ અનુસાર, iPhone ની કિંમત 1,75,000 પાઉન્ડ (લગભગ 1.73 કરોડ રૂપિયા) છે. “લિયોનેલ તેની ગૌરવપૂર્ણ ક્ષણની ઉજવણી કરવા માટે કંઈક નવું કરવા માંગતો હતો પરંતુ તેને ઘડિયાળ જેવી સામાન્ય ભેટ જોઈતી ન હતી. આ માટે તેણે ઉદ્યોગસાહસિક બેન લિયોન સાથે જોડાણ કર્યું અને તેઓએ સાથે મળીને આ વિચાર કર્યો. “રિપોર્ટ્સમાં વધુમાં જણાવવામાં આવ્યું છે કે દરેક આઈફોન પર દરેક પ્લેયરનું નામ અને આર્જેન્ટીનાનો લોગો છે. આઇફોનની પાછળ દરેક ખેલાડીના નામની સાથે તેમના જર્સી નંબર પણ હોય છે. બધા iPhones પર વર્લ્ડ ચેમ્પિયન પણ લખેલું છે. આ ફોનને iDesign દ્વારા ડિઝાઇન કરવામાં આવ્યો છે. iDesign ના CEOએ મેસ્સીની પ્રશંસા કરી અને કહ્યું કે તે ખૂબ સારા ગ્રાહકોમાંથી એક છે. તેણે વધુમાં કહ્યું કે મેસ્સીએ વર્લ્ડ કપ ફાઈનલના થોડા મહિના બાદ અમારો સંપર્ક કર્યો હતો. આર્જેન્ટિનાના કેપ્ટન અને વિશ્વના મહાન ફૂટબોલરોમાંના એક લિયોનેલ મેસ્સીએ હાલમાં જ FIFA 2022 નો ‘ધ બેસ્ટ પ્લેયર’ નો એવોર્ડ જીત્યો છે. તાજેતરમાં રમાયેલા FIFA વર્લ્ડ કપમાં મેસ્સીએ આર્જેન્ટિનાને ખિતાબ અપાવ્યો હતો. વર્લ્ડ કપમાં પોતાના પ્રદર્શનથી બધાના દિલ જીતનાર મેસ્સીએ આ એવોર્ડ પોતાના નામે કર્યો. આ સિવાય વર્લ્ડ કપ વિજેતા ટીમના કોચ લિયોનેલ સ્કોલોનીને બેસ્ટ કોચનો એવોર્ડ મળ્યો હતો.