બોલિવૂડ અભિનેતા અજય દેવગન વિશે બધા જાણે છે કે તે એક મહાન કલાકાર હોવાની સાથે નિર્માતા-નિર્દેશક પણ છે, પરંતુ બહુ ઓછા લોકો જાણતા હશે કે તે મલ્ટિપ્લેક્સ ચેઈનના માલિક પણ છે. અજય દેવગનના થિયેટર ચેઇનનું નામ NY સિનેમાસ છે

15 સપ્ટેમ્બરનાં રોજ અજય દેવગણે અમદાવાદમાં ચાર સ્ક્રીનવાળું મલ્ટીપ્લેકસ ખોલ્યું છે.અમદાવાદમાં મોટેરા રોડ પર આવેલો આ સિનેમા હોલ 2500 ચોરસ ફૂટમાં ફેલાયેલો છે અને તેમાં ચાર ઓડિટોરિયમ છે. આ સિવાય લાઉન્જ, લાઈવ કિચન અને મોકટેલ બાર પણ બનાવવામાં આવ્યા છે. તેની તૈયારીમાં અમદાવાદની જનતાને ધ્યાનમાં રાખવામાં આવી છે.મળતી માહિતી પ્રમાણે છે કે મલ્ટિપ્લેક્સમાં આધુનિક ડોલ્બી એટમોસ સ્ક્રીન લગાવવામાં આવી છે અને તેની ક્ષમતા 320 સીટો છે, જેમાંથી 75 રિક્લિનર છે. આ ચાર સ્ક્રીન પર 3D મૂવી પણ ચલાવી શકાશે. ગુજરાતમાં ભુજ અને સુરેન્દ્ર નગરમાં એનવાય સિનેમા પહેલેથી જ હાજર છે. અમદાવાદ બાદ આણંદ, સુરત અને રાજકોટમાં લોન્ચ કરવાની તૈયારીઓ ચાલી રહી છે. અભિનેતાએ તેની મલ્ટિપ્લેક્સ ચેનનું નામ બંને બાળકોના નામ પહેલા અક્ષર સાથે રાખ્યું છે. તેની શરૂઆત 2018માં કરવામાં આવી હતી.

અજય દેવગનના ફિલ્મી કરિયરની વાત કરીએ તો તેની આગામી ફિલ્મ થેંક ગોડ દિવાળીના અવસર પર સિનેમાઘરોમાં રિલીઝ થવા જઈ રહી છે. આ એક રોમેન્ટિક-કોમેડી ફિલ્મ છે જેનું નિર્દેશન ઇન્દ્ર કુમારે કર્યું છે. અજય સાથે સિદ્ધાર્થ મલ્હોત્રા અને રકુલ પ્રીત સિંહ મુખ્ય ભૂમિકામાં છે. રકુલનું પાત્ર પોલીસ અધિકારીનું છે. આ ફિલ્મ દ્વારા સિદ્ધાર્થ મલ્હોત્રા પહેલીવાર અજય દેવગન સાથે ફિલ્મમાં જોવા મળશે. થેન્ક ગોડમાં અજય દેવગન ચિત્રગુપ્તની ભૂમિકા ભજવે છે. ફિલ્મનું પહેલું ગીત 16 સપ્ટેમ્બરે રિલીઝ થવા જઈ રહ્યું છે.