Published by : Anu Shukla

• નાણાકીય વર્ષ 2022 માં, અમેરિકાએ લગભગ 1,25,000 વિદ્યાર્થી વિઝા મંજુર કર્યા
• વિઝા ઇન્ટરવ્યૂ એપોઇન્ટમેન્ટ વેઇટિંગ સમય ઘટાડવા આવશે: યુએસ ડિપાર્ટમેન્ટના પ્રવક્તા

અમેરિકા અને ભારત વચ્ચે સંબંધોમાં સકારાત્મક બદલાવ થઇ રહેલા જોવા મળી રહ્યા છે કારણ કે યુએસ એમ્બેસીએ આ વખતે 1.25 લાખ ભારતીય વિદ્યાર્થીઓને વિઝાને મંજુરી આપી જૂના તમામ રેકોર્ડ તોડી નાખ્યા છે. યુએસ ડિપાર્ટમેન્ટના એક પ્રવક્તાએ આ જાણકારી આપી હતી. ભારતીય પ્રવાસીઓ માટે વિઝા બેકલોગ જારી કરવામાં વિલંબ અંગેના પ્રશ્નના જવાબમાં, તેમણે સ્વીકાર્યું કે વિલંબ થયો છે, પરંતુ ભારતમાં અમારા દૂતાવાસો અને વાણિજ્ય દૂતાવાસોએ એક સાથે જ વિદ્યાર્થી વિઝાની સંખ્યાનો તેમનો રેકોર્ડ તોડી નાખ્યો છે. નાણાકીય વર્ષ 2022 માં, અમેરિકાએ લગભગ 1,25,000 વિદ્યાર્થી વિઝા મંજુર કર્યા છે.

કેટલાક અરજદારોએ હજુ પણ રાહ જોવી પડી શકે છે: યુએસ ડિપાર્ટમેન્ટના પ્રવક્તા

કેટલાક અરજદારોને હજુ પણ વિઝા સમયસર મળી શકતા નથી એટલા માટે શક્ય તેટલી ઝડપથી વિઝા ઇન્ટરવ્યૂ એપોઇન્ટમેન્ટ વેઇટિંગ સમય ઘટાડવા માટે તમામ પ્રયાસો કરી રહ્યા છીએ. તેમણે જણાવ્યું હતું કે, યુ.એસ. બિન-ઇમિગ્રન્ટ પ્રવાસીઓને કાયદેસર મુસાફરીની મંજૂરી આપતી વખતે રાષ્ટ્રીય સુરક્ષા માટે પ્રતિબદ્ધ છે. સમયસર વિઝા પ્રક્રિયા યુએસ અર્થતંત્ર અને વહીવટીતંત્રના ધ્યેય માટે મહત્વપૂર્ણ છે.

વિઝા પ્રક્રિયા ઝડપી બનાવવા યુએસ ફોરેન સર્વિસ કર્મચારીઓની ભરતીમાં વધારો

વિઝાની પ્રક્રિયા ઝડપી બનાવવાના યુએસના પ્રયાસોને હાઇલાઇટ કરતાં પ્રવક્તાએ જણાવ્યું હતું કે, અમે આ મહત્વપૂર્ણ કામ કરવા માટે યુએસ વિદેશી અને સેવા કર્મચારીઓની ભરતી બમણી કરી છે. વિઝા પ્રક્રિયા અપેક્ષા કરતા વધુ ઝડપથી પુનઃપ્રાપ્ત થઈ રહી છે અને અમે આગામી વર્ષોમાં પ્રી-પેન્ડેમિક પ્રોસેસિંગ સ્તર સુધી પહોંચવાની અપેક્ષા રાખીએ છીએ. ભારતમાં 2023 સુધીમાં વિઝાની સંખ્યામાં ચીનને પાછળ છોડી દેશે અને વિઝા આપવામાં મેક્સિકો પછી બીજા સ્થાને રહેશે.