એર ઈન્ડિયાના બિઝનેસ ક્લાસમાં મહિલા મુસાફર પર પેશાબ કરનાર શખ્સની ધરપકડ

• દિલ્હી પોલીસે એર ઈન્ડિયાના કર્મચારીઓને સમન્સ મોકલ્યા
• આજે તેને કોર્ટમાં રજૂ કરાશે

એર ઈન્ડિયાની ફ્લાઈટમાં મહિલા મુસાફર પર પેશાબ કરનાર મુંબઈના વ્યક્તિની બેંગલુરુમાં ધરપકડ કરવામાં આવી છે. આજે તેને કોર્ટમાં રજૂ કરવામાં આવશે.

એર ઈન્ડિયાની ન્યૂયોર્ક-દિલ્હી ફ્લાઇટમાં મહિલા મુસાફર પર કથિત રીતે પેશાબ કરવાના આરોપીની પોલીસે બેંગલુરુમાં ધરપકડ કરી છે. તે જ સમયે, દિલ્હી પોલીસે આ ઘટનાના સંબંધમાં એર ઈન્ડિયાના કર્મચારીઓને સમન્સ મોકલ્યા છે. દિલ્હી પોલીસે માહિતી આપી હતી કે શંકર મિશ્રાની ગઈકાલે રાત્રે ધરપકડ કરવામાં આવી હતી અને તેને દિલ્હી લાવવામાં આવ્યો છે. આજે તેને કોર્ટમાં રજૂ કરવામાં આવશે.

એર ઈન્ડિયાની ફ્લાઈટમાં નશામાં ધૂત પુરુષે મહિલા મુસાફર પર પેશાબ કર્યો હતો. મહિલા એર ઈન્ડિયાના બિઝનેસ ક્લાસમાં મુસાફરી કરી રહી હતી. ત્યારબાદ પીડિત મહિલા સાથે બેઠેલા એક વ્યક્તિએ તેના પર પેશાબ કર્યો હતો. કહેવામાં આવી રહ્યું છે કે આરોપી નશામાં હતો. એર ઈન્ડિયાના બિઝનેસ ક્લાસમાં એક મહિલા પર પેશાબ કરવાની ઘટના 26 નવેમ્બરની છે.