Published By : Parul Patel

કોરોના ની કારમી લહેરમાં હજારો લોકોની મદદ કરનાર એવા અભિનેતા સોનું સુદનો આજે તા 30. જુલાઈના રોજ જન્મદિવસ છે.

સોનું સુદ મિસ્ટર ઈન્ડિયા સ્પર્ધામાં હારી ગયો હતો તેથી તે નિરાશ થયો હતો. સોનુ સૂદ આજે તેનો 47મો જન્મદિવસ ઉજવી રહ્યો છે. ત્યારે તેનાં જીવનના સંઘર્ષ વિશે જોતા સોનુ સૂદ છેલ્લા 25 વર્ષથી એક્ટિંગ કરિયર સાથે જોડાયેલો છે. સોનુ આજે હોલીવુડ સ્ટાર્સ સાથે કામ કરતા જોવા મળે છે. તેણે સુપરસ્ટાર જેકી ચેન સાથે પણ પડદા પર અભિનય કર્યો છે અને તેની ફિલ્મો તેમજ તેની ઉદારતા માટે લોકો તેને પસંદ કરે છે.

કોરોના કાળથી અત્યાર સુધી સોનુ સૂદે કેટલા લોકોને મદદ કરી છે તે તેને પણ ખબર નથી. સોનુ સૂદના જીવનમાં એક સમય એવો આવ્યો હતો જ્યારે તે સંપૂર્ણ રીતે તૂટી ગયો હતો. ખરેખર, સોનુએ આ સ્થાન સુધી પહોંચવા માટે ઘણો સંઘર્ષ કર્યો છે. સોનુ સૂદનું નસીબ ત્યારે ખુલ્યું જ્યારે તે સાઉથની ફિલ્મો તરફ વળ્યો. વર્ષ 1999માં સોનુને પહેલીવાર સાઉથની ફિલ્મ કાલાઝાગરમાં કામ કરવાની તક મળી. આ પછી સોનુએ મજનૂ જેવી ફિલ્મોમાં કામ કર્યું અને પછી 2002માં શહીદ ભગત સિંહ પર આધારિત ફિલ્મ શહીદ-એ-આઝમમાં મજબૂત પાત્રમાં જોવા મળ્યો. આ પછી સોનુ સૂદ ફરી સાઉથ તરફ વળ્યો.

સોનુ સૂદે ઘણી બધી શ્રેષ્ઠ હિન્દી અને સાઉથ ફિલ્મોમાં કામ કર્યું, પરંતુ જ્યારે તેણે વર્ષ 2009માં રિલીઝ થયેલી ફિલ્મ અરુંધતીમાં કામ કર્યું ત્યારે તેને એવું સ્ટારડમ અપાવ્યું કે તે સાઉથની ફિલ્મોનો સ્ટાર બની ગયો. બીજી તરફ, દબંગમાં ફિલ્મ દ્વારા ભજવવામાં આવેલ છેડી સિંગના પાત્રને કોઈ ભૂલી શકશે નહીં. એક ખલનાયક તરીકે પણ તેણે પોતાના અભિનયને કમાલ કરી. સોનુ સૂદે બોલિવૂડની ઘણી હિટ ફિલ્મોમાં કામ કર્યું છે. પોતાની 25 વર્ષથી વધુની કારકિર્દીમાં સોનુએ 47 થી વધુ ફિલ્મોમાં કામ કર્યું છે. દબંગ નો છેદી સિંગ, આજે સફળ અભિનેતાની યાદીમાં સામેલ છે.