હાલમાં જ અનુષ્કા શર્માએ તેની આગામી ફિલ્મ ‘ચકદા એક્સપ્રેસ’નું શૂટિંગ પૂર્ણ કર્યું છે. તેણે તેના ઈન્સ્ટાગ્રામ પર ઝુલન ગોસ્વામી સાથે એક ફોટો શેર કર્યો છે જેમાં તે કેક કાપતી જોવા મળી રહી છે.અનુષ્કા શર્મા ઇન્ડસ્ટ્રીની એવી અભિનેત્રીઓમાંની એક છે, જે એક યા બીજા કારણોસર હેડલાઇન્સમાં રહે છે. હાલના દિવસોમાં અભિનેત્રી તેની મોસ્ટ અવેટેડ ફિલ્મ ‘ચકદા એક્સપ્રેસ’માં વ્યસ્ત છે. આ ફિલ્મ દ્વારા અનુષ્કાના નવા અવતારને જોવા માટે ચાહકો ખૂબ જ ઉત્સાહિત છે. લોકો અનુષ્કાને ઝુલન ગોસ્વામીની બાયોપિકમાં જોવા માટે આતુરતાથી રાહ જોઈ રહ્યા છે. તાજેતરમાં જ ફિલ્મ વિશે એક નવું અપડેટ સામે આવ્યું છે. અનુષ્કાએ તેના ઈન્સ્ટાગ્રામ પર એક ફોટો શેર કરીને જણાવ્યું છે કે, તેણે ફિલ્મનું શૂટિંગ પૂર્ણ કરી લીધું છે.તમને જણાવી દઈએ કે, ફિલ્મનું શૂટિંગ પૂરું કર્યા પછી અભિનેત્રીએ તેના ઈન્સ્ટાગ્રામ પર અપડેટ શેર કર્યું છે. અનુષ્કાએ ઝુલન ગોસ્વામી સાથેના કેટલાક ફોટા શેર કર્યા છે, જેમાં તે કેક કાપતી જોવા મળી રહી છે. ફોટોમાં અનુષ્કાએ ટીમ ઈન્ડિયાની જર્સી પહેરી છે અને તે ઝુલન ગોસ્વામીના અવતારમાં જોવા મળી રહી છે. પોસ્ટની સાથે કેપ્શન આપતા અભિનેત્રીએ એ પણ જણાવ્યું કે આ તેનો શૂટિંગનો છેલ્લો દિવસ હતો.

ફોટોમાં ક્રિકેટ સ્ટાર બોલર ઝુલન ગોસ્વામી અને અનુષ્કા શર્મા ઉપરાંત ફિલ્મના નિર્દેશક પ્રોસિત રાય પણ હાજર છે. ત્રણેય સાથે મળીને કેક કાપી રહ્યા છે. આ સિવાય આગળના ફોટોમાં અનુષ્કા ડાયરેક્ટર પ્રોસિતને ગળે લગાવતી જોવા મળે છે.શૂટિંગનો છેલ્લો દિવસ આ સિવાય અનુષ્કા શર્માએ કેપ્શનમાં લખ્યું છે કે, ‘ચકદા એક્સપ્રેસ નું શૂટિંગ પૂર્ણ થયું છે. ઝુલન ગોસ્વામીનો આભાર. આ ખાસ તકની ઉજવણી માટે બોલ, બેટ અને સ્ટમ્પની કેક બનાવવામાં આવી હતી. તમને જણાવી દઈએ કે ફોટોમાં ઝુલન ગોસ્વામી અને અનુષ્કા પણ એકબીજાને ગળે લગાવતી જોવા મળી હતી.
આ ફિલ્મ આવતા વર્ષે રિલીઝ થશેપ્રસિત રોય ચકદા એક્સપ્રેસનું નિર્દેશન કરી રહ્યા છે. આ પહેલા અનુષ્કાએ પ્રોસિત સાથે ફિલ્મ ‘પરી’માં પણ કામ કર્યું હતું. બીજી તરફ જો ચકદા એક્સપ્રેસની વાત કરીએ તો આ ફિલ્મ આવતા વર્ષે 2023માં રિલીઝ થશે. તે મોટા સ્ક્રીનને બદલે OTT પર સ્ટ્રીમ કરવામાં આવશે. હવે એ જોવાનું રસપ્રદ રહેશે કે અનુષ્કાનો નવો અવતાર લોકોને કેટલો પસંદ આવે છે?