Published by : Rana Kajal

વડોદરાથી પાદરા સુધીનો રસ્તો ફોરલેન રસ્તો તૈયાર થઈ ગયો હતો. પરંતુ ભરૂચ જિલ્લાના જંબુસરથી પાદરા વચ્ચેના ફોરલેન રસ્તાનું કામકાજ કેટલાક કારણોસર અટકી ગયું હતું. પરંતુ હવે અવરોધો દૂર થતા જંબુસર થી પાદરા વચ્ચેના રસ્તા અંગે ટેન્ડરીંગનું કામ પત્યા બાદ આ રસ્તાનુ કામ આગળ ધપશે… ભરૂચ જિલ્લાના જંબુસર અને પાદરા વચ્ચે દરરોજ મોટી સંખ્યામા લોકો અવરજવર કરે છે તેમજ વાહન વ્યવહાર પણ સતત આ માર્ગ પર રહેતો હોવાના પગલે આ માર્ગને ફોરલેન બનાવવા અંગેની માંગ ઘણા લાંબા સમયથી હતી. આ રસ્તાને ફોરલેન બનાવવા રૂ 145 કરોડ ફાળવવામાં આવ્યા છે . જે અંગે ટેન્ડર નુ કામકાજ પણ કરવામા આવ્યું હતું. પરંતુ જે ટેન્ડરની આ પ્રક્રિયામાં દિવ્ય સિમંદર નામની એજન્સીએ કેટલીક માહિતી ટેન્ડરમાં દર્શાવી ન હતી. તેથી તેને ગેરલાયક ઠેરવી હવે ટેન્ડરનુ કામ આગળ ધપાવી જંબુસર- પાદરા વચ્ચેના ફોરલેન રસ્તાનું કામ શરૂ કરી દેવામાં આવશે.