Published by : Rana Kajal
- નહેર વિભાગના અધિકારીઓ સાફ-સફાઈના નામે રૂપિયા ચાઉં કરતા હોવાની બુમો
જંબુસર તાલુકાના થણાવા ગામની સીમમાંથી પસાર થતી કેનાલની માઈનોર કેનાલમાં અવારનવાર ગાબડું પડતા ખેડૂતો હેરાન પરેશાન બની ગયા છે.
જંબુસર તાલુકાના વિવિધ ગામોમાંથી પસાર થતી કેનાલોમાં વારંવાર ગાબડા પડવા સાથે કેનાલો તૂટી જતી હોવાના કિસ્સા સામે આવી રહ્યા છે ત્યારે જંબુસર તાલુકાના થણાવા ગામની સીમમાંથી પસાર થતી કેનાલની માઈનોર કેનાલમાં ગાબડું પડતા ખેડૂતોના ખેતરમાં પાણી ફરી વળ્યા હોવા દ્રશ્યો સામે આવ્યા છે આ અંગે વારંવાર રજૂઆત કરવા છતાં સિંચાઈ વિભાગના અધિકારીઓ કામગીરી કરવાને બદલે ખેડૂતોને જ ધમકાવતા હોવાની બુમો ઉઠી છે સાથે સાફ-સફાઈના નામે બીલો મૂકી નાણા ચાઉં કરતા હોવાના આક્ષેપ કર્યા છે ત્યારે જવાબદાર અધિકારી સામે પગલા ભરવા સાથે ખેડૂતોની તંત્ર ખેડૂતોની વાહરે આવે તેવી માંગ કરી છે.
