Published by : Anu Shukla

• અમેરિકા-તાઈવાનમાં ચીનથી પરત આવનારા લોકો માટે ટેસ્ટ ફરજિયાત કરાયો.
• જાપાન ટાઈમ્સના અહેવાલ મુજબ દેશમાં કોરોનાની 8મી લહેર આવી ગઈ છે

ચીનમાં કોરોનાને કારણે સ્થિતિ વધુ ખરાબ થઈ રહી છે. આને ધ્યાનમાં રાખીને તાઈવાને 1 જાન્યુઆરીથી ચીનથી પરત ફરતા મુસાફરો માટે RT-PCR ટેસ્ટ ફરજિયાત બનાવ્યો છે. અમેરિકામાં પણ 5 જાન્યુઆરીથી ચીનથી આવતા તમામ મુસાફરો પર નજર રાખવામાં આવશે. લોકોએ નેગેટિવ કોરોના ટેસ્ટ, રાષ્ટ્રીયતાનો અને વેક્સિનેશનનો પુરાવો આપવો પડશે. જ્યારે જાપાને પહેલેથી જ ચીનથી પરત આવતા મુસાફરો માટે કોરોના ટેસ્ટ ફરજિયાત કરી દીધો છે. ભારત અને મલેશિયાએ પણ અનેક પ્રતિબંધો લગાવ્યા છે., જાપાન ટાઈમ્સના અહેવાલ અનુસાર, બુધવારે દેશમાં 438 લોકોના મોત થયા હતા અને 2 લાખ 16 હજારથી વધુ નવા કેસ નોંધાયા હતા. આમાંથી મોટાભાગના રાજધાની ટોક્યોમાં 243 કેસ મળી આવ્યા છે. વર્લ્ડ હેલ્થ ઓર્ગેનાઈઝેશન (WHO) અનુસાર, છેલ્લા એક સપ્તાહમાં ચીન પછી જાપાનમાં સૌથી વધુ કેસ નોંધાયા છે. ત્યારે કોરોના worldometer અનુસાર, વિશ્વમાં અત્યાર સુધીમાં 66 કરોડ 30 લાખ 12 હજાર 618 કેસ નોંધાયા છે. 11 જાન્યુઆરી 2020 ના રોજ ચીનના વુહાનમાં 61 વર્ષીય વ્યક્તિનું અવસાન થયું. વિશ્વમાં કોવિડના કારણે આ પ્રથમ મૃત્યુ હતું. આ પછી લોકોના મૃત્યુ થવાની પ્રક્રિયા વધવા લાગી. અત્યાર સુધીમાં 66 લાખ 89 હજાર 516 લોકોના મોત થયા છે.