Published by : Rana Kajal

વૃક્ષો આરોગ્યની રક્ષા માટે તેમજ વિવિઘ રોગોના ઉપચાર માટે ખુબ ઉપયોગી છે. દુનિયામાં અનેક પ્રકારની ઔષધિઓ અને વનસ્પતિઓ છે, જે માનવીના સ્વાસ્થ્ય માટે ખૂબ જ ફાયદાકારક છે. કેટલાક વૃક્ષો અને છોડ એવા છે જે અશ્મિભૂત છોડ તરીકે જોવામાં આવે છે. આમાં જીંકગો બિલોબા વૃક્ષનો સમાવેશ થાય છે, જે લગભગ 290 મિલિયન વર્ષ જૂનું વૃક્ષ છે, જોકે આ વૃક્ષ હવે માત્ર અમુક જગ્યાએ જ જોવા મળે છે. જેમકે ઉત્તરાખંડના નૈનીતાલમાં આ વૃક્ષ છે. આ વૃક્ષની જડીબુટ્ટી ઘણા ગંભીર રોગો સામે રક્ષણ આપે છે, જેમાં અલ્ઝાઈમર મહત્વપૂર્ણ છે.જીંકગો બિલોબા એક જીવંત અશ્મિ છે અને ચીનનું રાષ્ટ્રીય વૃક્ષ પણ છે. જીંકગો બિલોબાને “મધેર વૃક્ષ” તરીકે પણ ઓળખવામાં આવે છે. તેના બાકીના છોડના જૂથમાં તે એકમાત્ર પ્રજાતિ છે. એક સંશોધન મુજબ, જીંકગો બિલોબા લગભગ 290 મિલિયન વર્ષ જૂનું વૃક્ષ છે જે 20 થી 35 મીટર ઊંચું છે. જડી બુટ્ટીના નિષ્ણાતોના મતે ચીનમાં તેનો ઉપયોગ અનેક રોગો માટે થાય છે. તે મગજનું ટોનિક છે, જે યાદશક્તિને તેજ બનાવે છે. તેનો ઉપયોગ શ્વાસ સંબંધી રોગો, ઉધરસ, તાવ, ઝાડા અને દાંતના દુખાવામાં પણ થાય છે. તેમાં એન્ટિએજિંગ તત્વો પણ હોય છે. જો કે તેનો વધુ પડતો ઉપયોગ સ્વાસ્થ્યને પણ નુકસાન પહોંચાડી શકે છે. પ્રોફેસર તિવારીએ જણાવ્યું કે આ ઝાડનું નામ જીંકગો બિલોબા છે કારણ કે તેના પાંદડા છે. તેના પાંદડા લીલા હોય છે પરંતુ થોડા સમય પછી તે પીળા થવા લાગે છે જે કુદરતી સૌંદર્યમાં વધારો કરે છે.