Published By : Aarti Machhi

ભરૂચના ઝઘડિયા નજીક સ્ટેચ્યુ ઓફ યુનિટીને જોડતા માર્ગ પર ખડોલી ગામ પાસે અકસ્માત સર્જાયો હતો. બિસ્માર માર્ગના પગલે ખાનગી બસ રોંગ સાઈડ પર જઈ રહી હતી. તે દરમિયાન સામેથી આવતા ટેમ્પા સાથે અકસ્માત સર્જાયો હતો. અકસ્માતના પગલે દોડધામ મચી જવા પામી હતી. તો ઘટના સ્થળે લોકો દોડી આવ્યા હતા.

અકસ્માતના આ બનાવમાં ટેમ્પાચાલકને ગંભીર ઈજા પહોંચતા તેનું મોત નીપજ્યું હતું. જ્યારે પાંચ લોકો ઘાયલ થતાં તેઓને અવિધા આરોગ્ય કેન્દ્ર ખાતે સારવાર અર્થે ખસેડવામાં આવ્યા હતા. અકસ્માતને પગલે લોકોએ પોલીસને જાન કરતા પોલીસની ટીમ ઘટના સ્થળે દોડી આવી હતી. અકસ્માત અંગેની તપાસ ઝઘડીયા પોલીસ ચલાવી રહી છે.