• ધારાસભ્ય પ્રવીણ માળીએ સમર્થકોને ફુલહારને બદલે નોટબુકથી સ્વાગત કરવા આહવાન કર્યુ… નોટબુક ગરીબ બાળકોને અભ્યાસ માટે અર્પણ કરાશે

ગુજરાતના ડીસામાં ધારાસભ્યએ સ્વાગત માટે નવી શરૂઆત કરી છે. સ્વાગત કરવા માટે આવતા લોકોને ફૂલહારને બદલે નોટબુકોથી સ્વાગત કરવાનું કહેવામાં આવ્યું. હવે તો નોટબુકોનો ખડકલો થઈ ગયો છે. આ નોટબુક ગરીબ બાળકોને અભ્યાસ માટે અર્પણ કરવામાં આવશે. ડીસામાં વિધાનસભાની ચૂંટણીમાં પ્રવીણ માળી જંગી બહુમતીથી વિજેતા બન્યા છે. ધારાસભ્ય બન્યા બાદ તેમના શુભચિંતકો ફુલહાર લઈને તેમના સ્વાગત માટે આવે. ત્યારે તેમણે સ્વાગત માટે આવતા લોકોને ફૂલહારને બદલે નોટબુકથી તેમનું સ્વાગત કરવાનો મેસેજ આપ્યો. આ મેસેજ ધારાસભ્યએ સોશ્યલ મીડિયામાં વાયરલ કર્યો હતો. આ મેસેજ લોકો સુધી પહોંચતા છેલ્લા બે દિવસથી તેમના સ્વાગત માટે આવતા લોકો નોટબુક લઈને આવતા ધારાસભ્યની ઓફિસમાં નોટબુકનો ખડકલો થઈ ગયો છે. આ નોટબુક ગરીબ બાળકોને અભ્યાસ માટે અર્પણ કરવામાં આવશે. ફૂલહારમાં વેસ્ટ જતા પૈસાનો સદુપયોગ થાય અને ગરીબ બાળકોને પણ અભ્યાસમાં મદદ મળી રહે તે માટે ધારાસભ્યે લીધેલા આ નિર્ણયને ખૂબ જ સારો આવકારો મળી રહ્યો છે.