છેલ્લા ઘણા સમયથી સિરિયલમાં તારક મહેતાનું પાત્ર જોવા મળતું નથી. શૈલેષ લોઢાએ આ સિરિયલ છોડી દીધી હતી. શૈલેષ લોઢાએ ખાસ્સા સમયથી સિરિયલનું શૂટિંગ બંધ કરી દીધું હતું. દર્શકોને આશા હતી કે શૈલેષ લોઢા શોમાં પરત ફરી શકે છે. પરંતુ હવે નવા તારક મહેતા આવતાં જ આ તમામ વાતો પર પૂર્ણ વિરામ મુકાઈ ગયું છે.’તારક મહેતા કા ઉલ્ટા ચશ્મા’ને શૈલેષ લોઢાનું રિપ્લેસમેન્ટ મળી ગયું છે. હવે આ સિરિયલમાં ટીવી- એક્ટર સચિન શ્રોફ તારક મહેતાનો રોલ ભજવતો જોવા મળશે.

સૂત્રોના પ્રમાણે, સચિન શ્રોફે સિરિયલનું શૂટિંગ શરૂ કરી દીધું છે. પ્રોડ્યુસર અસિત મોદીએ આ વાતને કન્ફર્મ પણ કરી છે. શૈલેષ લોઢાની ઉંમર 52 વર્ષ છે અને જેઠાલાલનું પાત્ર ભજવતા દિલીપ જોશી 54ના છે. હવે સચિન શ્રોફ નવા ‘તારક મહેતા’ તરીકે જોવા મળશે. સચિન શ્રોફની ઉંમર 42 વર્ષ છે.સચિન અને દિલીપ જોષી વચ્ચે ઉંમરમાં 12 વર્ષનો તફાવત છે. સચિન લોકપ્રિય એક્ટર તથા બિઝનેસમેન છે. સચિન વેબસિરીઝ ‘આશ્રમ’માં પણ જોવા મળ્યા હતા. સચિને ફિલ્મ ‘દસવી’માં પણ કામ કર્યું હતું. સચિને 2002માં સિરિયલ ‘કમ્માલ’થી ટીવી ડેબ્યુ કર્યું હતું.

અસિત મોદીએ એક ઇન્ટરવ્યુમાં કહ્યું હતું કે તેમણે નવા તારક મહેતા તરીકે સચિન શ્રોફને કાસ્ટ કર્યા છે. સચિને શૂટિંગ પણ શરૂ કરી દીધું છે. શૈલેષને મનાવવાનો પ્રયાસ કરાયો હતો પરંતુ તેમણે શો છોડી દીધો. વ્યૂઅર્સ રોકાઈ શકે એમ નથી, તેથી તેઓ તારક મહેતા તરીકે કોઈકને તો શોમાં લાવવાના જ હતા. ભગવાનને એ જ પ્રાર્થના છે કે સચિનને દર્શકો સ્વીકારી લે અને તેને પ્રેમ કરે. આ સિરિયલ છેલ્લાં 15 વર્ષથી ચાલે છે તે દર્શકોને નિરાશ કરી શકાય નહીં.