નશાબંધીનો કાયદો અમલમાં હોવા છતાં ગુજરાતમાં વિધાનસભાની ચુંટણીનાં મતદાનનાં દિવસે અને ગણતરીના દિવસે દાહોદ જિલ્લાને ડ્રાય ડે જાહેર કરવો પડ્યો છે.

ગૂજરાત રાજ્યમાં દારૂબંધી છે તો પણ રાજસ્થાન, મધ્ય પ્રદેશની હદને અડીને આવેલા દાહોદ જિલ્લામાં મતદાન અને મતગણતરીના દિવસે દારૂની હેરાફેરી અને સેવન રોકવા માટે વહીવટીતંત્રને ‘ડ્રાય ડે’ ઘોષિત કરવાની ફરજ પડી છે. સામાન્યપણે દારૂબંધી નથી એવા રાજ્ય ચોક્કસ દિવસે ‘ડ્રાય ડે’ જાહેર કરવામાં આવતો હોય છે. પરંતું પાડોશી રાજ્યોમાંથી લવાયેલો દારૂ પીને મતદાનમાં અવરોધ પેદા થાય નહીં એ માટે ડ્રાય ડેનું જાહેરનામુ બહાર પાડવામાં આવ્યું છે  દાહોદના કલેક્ટર ડો. હર્ષિત ગોસાવી દ્વારા જારી કરવામાં આવેલા જાહેરનામામાં જણાવાયું છે કે, આગામી તા.3 ડિસેમ્બરનાં સાંજના 5 વાગ્યેથી તા. 5 ડિસેમ્બર સાંજના 5 વાગ્યા સુધી એટલે કે મતદાનનો સમય પૂરો થવાના કલાકની સાથે પૂરા થાય તે રીતે 48 કલાકનો સમય સુધી ડ્રાય ડે તરીકે જાહેર કર્યો છે. તેમજ મતગણતરીના રોજ તા. 8 ડિસેમ્બરના રોજ સંપૂર્ણ દિવસને ડ્રાય ડે દિવસ તરીકે જાહેર કરાયો છે. જૉકે દાહોદ જિલ્લાની સરહદો મધ્યપ્રદેશના ઝાબુઆ, અલીરાજપુર તથા રાજસ્થાનના બાંસવાડા જિલ્લાને અડીને આવેલી છે. રાજસ્થાન અને મધ્યપ્રદેશમાં દારૂબંધી અમલમાં નથી. ત્યારે આ સરહદો ઉપરથી જિલ્લાના વિધાનસભા મતવિભાગમાં દારૂની ચોરી છુપીથી ગેરકાયદેસર હેરાફેરી ના થાય તથા દારૂનું સેવન કરી મતદાન મતદાનમાં વિક્ષેપ ન કરે તથા કાયદો વ્યવસ્થાની જાળવણી માટે પગલાં ભરવા જરૂરી હોય મતદાન અને મતદગણતરીના દિવસને ડ્રાય ડે તરીકે જાહેર કરાયો છે. નોંધવુ રહ્યું કે દાહોદથી ત્રણ કિમી દૂરની મ.પ્ર-રાજસ્થાનની દારૂની દુકાનો બંધ રખાશે