Published By : Parul Patel

• દેશના અર્થતંત્રમા સતત સુધારો જણાઈ રહયો છે.
• અમેરિકા સહીત વિશ્વના અન્ય દેશોમા બેન્કો અને તેથી અર્થતંત્ર કથળી રહ્યું છે
• તેની સામે ભારતીય અર્થતંત્રની સ્થિતી મજબુત

વર્તમાન નાણાં વર્ષના પ્રથમ દસ મહિનામાં સંગઠીત રિટેલ સેગમેન્ટસમાં એપરલ, લાઈફસ્ટાઈલ પ્રોડકટસ તથા ક્વીક સર્વિસ રેસ્ટોરેન્ટસના વેચાણમાં નાણાંકીય વર્ષ ૨૦૨૦ એટલે કે કોરોના પહેલાના વર્ષની સરખામણીએ ૧૮ ટકા વધારો જોવા મળ્યો છે. પ્રવાસ તથા લગ્નસરાની મોસમને કારણે રિટેલ માગમાં વધારો થયો છે. જેથી એમ પણ કહી શકાય કે ઊંચા ફુગાવા છતાં ઉપભોગતા એટલેકે ગ્રાહકો ખર્ચ કરવામાં પાછા પડતા નથી તેવુ વેચાણ વૃદ્ધિ પરથી જણાય છે, એમ રિટેલર્સ એસોસિએશન ઓફ ઈન્ડિયા (રાય)ના એક રિપોર્ટમાં જણાવાયું હતું.

વધુમા રાયના રિપોર્ટ પ્રમાણે, ૨૦૨૦ના પ્રથમ દસ મહિનાની સરખામણીએ વર્તમાન નાણાં વર્ષના આ ગાળામાં ક્વીક સર્વિસ રેસ્ટોરેન્ટસના વેચાણમાં 28 ટકા, પર્સનલ કેરમાં 7 ટકા, એપરલ તથા કલોથિંગમાં 18 ટકા, ફૂડ તથા ગ્રોસરીમાં 21 ટકા, જ્વેલરીમાં 18 ટકા તથા ફૂટવેરના વેચાણમાં 25 ટકા વૃદ્ધિ જોવા મળી છે.

એટલુજ નહી પરંતુ કોરોના બાદ પ્રવાસમાં વધારો થતાં કેઝયૂલ વેરના પાછળના ખર્ચમાં વધારો થયાનું પણ સુત્રોએ જણાવ્યું હતું. ગયા નાણાં વર્ષમાં દૈનિક ગ્રોસરીસ તથા આવશ્યક ચીજવસ્તુ પાછળના ખર્ચમાં ઘટાડો જોવા મળ્યો હતો.

કોરોનાના કાળમાં ઉપભોગતાઓએ મુશકેલ સમય પસાર કર્યો હતો, પરંતુ તેઓ હવે ફરી પાછા ખરીદી તરફ વળી રહ્યા છે, અને બ્રાન્ડસને પ્રાધાન્ય આપી રહ્યા છે. તેથીજ કોરોના પહેલાના વર્ષની સરખામણીએ વર્તમાન નાણાં વર્ષમાં રિટેલ વેચાણમાં ૨૦ ટકા સાથે સૌથી વધુ વૃદ્ધિ દેશના પૂર્વ વિસ્તારમાં જોવા મળી છે. પશ્ચિમમાં 18ટકા જ્યારે દક્ષિણ તથા ઉત્તર ભારત વિસ્તારમાં 10 ટકા વધારો થયાનું રાયના આંકડા જણાવે છે.