Published by : Rana Kajal

• NHSRCL એ ભારતની પ્રથમ 7 કિમી લાંબી અંડરસી રેલ ટનલ સહિત 21 કિમી લાંબી ટનલના બાંધકામ માટે કરાર પર હસ્તાક્ષર કર્યા
• ટનલના નિર્માણ માટે ત્રણ ટનલ બોરિંગ મશીનો અને નવી ઓસ્ટ્રિયન ટનલિંગ પદ્ધતિનો ઉપયોગ કરવામાં આવશે
• પેકેજમાં થાણે, વિરાર અને બોઇસર સ્ટેશનના નિર્માણનો પણ સમાવેશ

નેશનલ હાઈ સ્પીડ રેલ કોર્પોરેશન લિમિટેડ (NHSRCL) એ મુંબઈ-અમદાવાદ હાઈ સ્પીડ રેલ BULLET TRAIN માટે મહારાષ્ટ્ર રાજ્યમાં ભારતની પ્રથમ 7 કિમી લાંબી અંડરસી રેલ ટનલ સહિત 21 કિમી લાંબી ટનલના બાંધકામ માટેફ એફકોન્સ ઈન્ફ્રાસ્ટ્રક્ચર લિમિટેડ સાથે કરાર કર્યા છે. MAHSR C-2 પેકેજ હેઠળ કોરિડોર પ્રોજેકટમાં દરિયામાં દેશની પેહલી ટર્નલ સાથે 3 સ્ટેશનના નિર્માણનો પણ સમાવેશ થાય છે.

ટેન્ડરની ટેકનિકલ બિડ 9 મી ફેબ્રુઆરી 2023ના રોજ ખોલવામાં આવી હતી અને નાણાકીય બિડ 6ઠ્ઠી એપ્રિલ 2023ના રોજ ખોલવામાં આવી હતી. જે અંગે માહિતી NHSRCL ના મેનેજીંગ ડિરેકટર રાજેન્દ્ર પ્રસાદે જારી કરી છે.

21 કિમી ટનલનું બાંધકામ મુંબઈ-અમદાવાદ એચએસઆર કોરિડોરના સૌથી પડકારજનક કોન્ટ્રાક્ટ પૈકીનું એક છે. જેમાં થાણે ક્રીક ખાતે 7 કિમીની દરિયાઈ રેલ ટનલ હેઠળ દેશના પ્રથમ ટ્વીન ટ્રેકનું બાંધકામ સામેલ છે. આ ટનલના નિર્માણ માટે ત્રણ ટનલ બોરિંગ મશીનો અને નવી ઓસ્ટ્રિયન ટનલિંગ પદ્ધતિનો ઉપયોગ કરવામાં આવશે.

દરિયામાં 21 કિમી લાંબી ટનલ બાંદ્રા-કુર્લા કોમ્પ્લેક્સના અંડરગ્રાઉન્ડ સ્ટેશન અને મહારાષ્ટ્ર રાજ્યના શિલફાટા વચ્ચે હશે. થાણે ક્રીક (ઇન્ટરટાઇડલ ઝોન) ખાતે 7 કિમી (અંદાજે) અંડરસી ટનલ દેશની પ્રથમ દરિયાઈ રેલ ટનલ હશે.

ટનલ અપ અને ડાઉન બંને ટ્રેક માટે ટ્વીન ટ્રેકને સમાવવા માટે સિંગલ ટ્યુબ ટનલ હશે. પેકેજના ભાગ રૂપે 37 સ્થળોએ 39 સાધનો રૂમ પણ ટનલ લોકેશનને અડીને બાંધવામાં આવશે.

આ ટનલ બનાવવા માટે, 13.1 મીટર વ્યાસના કટર હેડ સાથે ટીબીએમનો ઉપયોગ કરવામાં આવશે. સામાન્ય રીતે MRTS – મેટ્રો સિસ્ટમમાં વપરાતી શહેરી ટનલ માટે 5-6 મીટર વ્યાસના કટર હેડનો ઉપયોગ થાય છે. ત્રણ ટનલ બોરિંગ મશીનનો ઉપયોગ ટનલનો લગભગ 16 કિમીનો ભાગ બનાવવા માટે કરવામાં આવશે અને બાકીનો 5 કિમી ન્યૂ ઑસ્ટ્રિયન ટનલિંગ મેથડ NATM દ્વારા કરવામાં આવશે.

ટનલ જમીનના સ્તરથી લગભગ 25 થી 65 મીટર ઊંડી હશે

BKC પેકેજ C1 હેઠળ વિક્રોલી અને સાવલી ખાતે અનુક્રમે 36, 56 અને 39 મીટરની અંદાજિત ઊંડાઈમાં ત્રણ શાફ્ટ બાંધકામને સરળ બનાવશે. ઘણસોલી ખાતે 42 મીટરની ઢાળવાળી શાફ્ટ અને શિલફાટા ખાતે ટનલ પોર્ટલ આશરે બાંધકામની સુવિધા આપશે. NATM ટનલીંગ પદ્ધતિ દ્વારા 5 કિ.મી. ની ટર્નલનું કામ કરાશે.

મહારાષ્ટ્રમાં બુલેટ ટ્રેન કામગીરીની સ્થિતિ

મુંબઈ HSR સ્ટેશન MAHSR પેકેજ C-1 માટે 20મી માર્ચ 2023ના રોજ કરાર પર હસ્તાક્ષર કરવામાં આવ્યા હતા. મુંબઈ એચએસઆર સ્ટેશન અને શિલફાટા અંદાજે 21 કિમી વચ્ચે ડબલ લાઇન માટે ટનલનું બાંધકામ MAHSR પેકેજ C-2 – ગઈકાલે કરાર પર હસ્તાક્ષર થયા.

સિવિલ અને બિલ્ડીંગ વર્કમાં થાણે, વિરાર, બોઈસર ગુજરાત-મહારાષ્ટ્ર સરહદે શિલફાટા અને ઝરોલી ગામ વચ્ચે 135 કિમી MAHSR પેકેજ C-3 માટે ટેકનીકલ બિડ ખોલવામાં આવી હતી.