અમિતાભ બચ્ચન, અનુપમ ખેર, બોમન ઈરાની અને ડેનીની ફિલ્મ ઉંચાઈ શુક્રવારે મર્યાદિત સ્ક્રીન પર રિલીઝ થઈ હતી. ફિલ્મની શરૂઆતના દિવસે યોગ્ય શરૂઆત થઈ હતી. પરંતુ બીજા દિવસે તેના બોક્સ ઓફિસ કલેક્શનમાં મોટો ઉછાળો આવ્યો.હતો . હવે રવિવારના આંકડા કહી રહ્યા છે કે ‘ઊંચાઈ’ એ પહેલા વીકએન્ડમાં અપેક્ષા કરતા વધુ સારું કલેક્શન કર્યું છે. નાના બજેટમાં બનેલી આ ફિલ્મ ખૂબ જ ઓછા માર્કેટિંગ અને ચર્ચા સાથે થિયેટરોમાં પહોંચી હતી. પરંતુ ઈમોશનલ સ્ટોરી અને પીઢ કલાકારોનું શાનદાર કામ લોકોને પસંદ આવી રહ્યુ છે.
શુક્રવારે રિલીઝ થયેલી ઉંચાઈને વિવેચકો અને લોકો બંને તરફથી સારી સમીક્ષાઓ મળી હતી. પ્રથમ દિવસથી જ ફિલ્મ માટે પોઝિટિવ વર્ડ ઓફ માઉથ રહ્યો અને તેણે બોક્સ ઓફિસ પર 1.81 કરોડ રૂપિયાનું કલેક્શન કર્યું. 500થી પણ ઓછી સ્ક્રીન પર રિલીઝ થયેલી ‘ઊંચાઈ’ માટે પહેલા દિવસની કમાણી સારી રહી હતી અને બીજા દિવસે, ફિલ્મે બોક્સ ઓફિસ પર જબરદસ્ત ઉછાળો મેળવ્યો હતો શનિવારે ‘ઊંચાઈ’ એ 3.64 કરોડ રૂપિયાનું કલેક્શન કરીને વેપાર નિષ્ણાતોને ચોંકાવી દીધા હતા.
હવે રવિવારના બોક્સ ઓફિસ કલેક્શનના આંકડા બહાર આવવા લાગ્યા છે. શરૂઆતના અંદાજો કહી રહ્યા છે કે ‘ઉંચાઈ’ને ત્રીજા દિવસે પણ જોરદાર ઉછાળો મળ્યો હતો. બોલિવૂડ ફિલ્મો માટે થોડી કમનસીબ સાબિત થઈ રહી છે, આ વર્ષની મધ્યમ બજેટની ફિલ્મને સારો ઓપનિંગ વીકએન્ડ મળશે, ઉદ્યોગ માટે ચોક્કસપણે રાહતની બાબત છે. પરંતુ ફિલ્મ માટે આગળનો રસ્તો થોડો મુશ્કેલ છે.
