Published by : Vanshika Gor

આ ઘટના અંગે મળતી વધુ જાણકારી મુજબ એક જવાનને માથામાં ગોળી વાગી હતી. ગોળીનો અવાજ સાંભળીને બધા તરત જ ઘટનાસ્થળે પહોંચી ગયા હતા. જવાનને મિલિટરી હોસ્પિટલમાં લઈ જવામાં આવ્યો હતો પરંતુ ડોક્ટરોએ તેને મૃત જાહેર કર્યો હતો. હાલમાં આ ઘટનાને અકસ્માત કહેવામાં આવી રહ્યો છે. પોલીસનું કહેવું છે કે પોસ્ટમોર્ટમ બાદ જ ખબર પડશે કે આ ઘટના છે કે પછી જવાને આત્મહત્યા કરી છે.

જો કે જવાનને માથામાં ગોળી વાગતાં અને વધુ પડતું લોહી વહી જવાને કારણે તેણે હોસ્પિટલમાં જ દમ તોડ્યો હતો. સેનાએ સ્થાનિક પોલીસને આ જાણકારી આપી છે. હાલ મૃતદેહને મિલિટરી હોસ્પિટલમાં રાખવામાં આવ્યો છે. આજે પોસ્ટમોર્ટમ થયા બાદ મૃતદેહ પરિવારને સોંપવામાં આવશે.