Published by : Rana Kajal

અમદાવાદ

અમદાવાદ મહાનગરના વસ્ત્રાલમાં એક યુવતીએ તેના પિતાની રિવોલ્વરથી ફાયરિંગ કર્યું હતુ. તેનો ફાયરિંગ કરતો વીડિયો સોશિયલ મીડિયામાં વાયરલ થયો હતો. તેણે વીડિયોમાં એવું પણ લખ્યું હતું કે, થેન્ક્યુ પાપા ફોર ધીસ, ઈટ વોઝ અ વન્ડરફુલ એક્સપિરિયન્સ, છોરી સે પંગા ના લેગા કોઈ. વીડિયો વાઈરલ થયા બાદ પોલીસે રામોલ પાસે રહેતી દિપાલી ચંદેલ અને તેના પિતા નરેશ ચંદેલની ધરપકડ કરીને વધુ તપાસ હાથ ધરી છે.

આ અંગે પોલીસ સૂત્રો પાસેથી મળતી માહિતી પ્રમાણે રામોલ વિસ્તારમાં ફાયરિંગ કરનારી યુવતીને શોધવા માટે પોલીસે અલગ અલગ ચાર ટીમો બનાવી હતી. આ યુવતીની તપાસ દરમિયાન એક ખાનગી બાતમી પોલીસને મળેલ કે વીડિયોમાં ફાયરીંગ કરતી મહીલા દિપાલી નિરેશ ચંદેલ હતી. જેથી પોલીસની ટીમે આ સ્થળે જઈને તપાસ કરતા દીપાલી ચંદેલ ત્યાં હાજર મળી આવી હતી. યુવતીની પુછપરછ કરીને વીડિયો બતાવતાં તે વીડિયો યુવતીએ પોતાનો હોવાનુ જણાવ્યું હતું.

યુવતીએ વીડિયોમાં હાથમાં રીવોલ્વર લઈ એક રાઉન્ડ ફાયરીંગ કર્યું હતું. આ હથિયાર બાબતે પોલિસે યુવતીને પુછતા તે તેના પિતા નરેશભાઈનું હથિયાર હતું તેમ જણાવ્યુ હતુ.તા 24મીએ દિવાળીની રાત્રે પોણા દસેક વાગ્યાના અરસામાં તેના ઘરની સામે ખુલ્લી જગ્યામાં મનોરંજન માટે પોતે પોતાના પિતા નિરેશ ચંદેલ પાસેથી ઉપરોક્ત રિવોલ્વર લઈ એક રાઉન્ડ ફાયર કર્યું હોવાનું જણાવતા તેઓની પાસે કોઈ લાઈસન્સ છે કે કેમ જે બાબતે પુછતા પોતાની પાસે કોઈ લાઈસન્સ હતું નહી પોલીસને પુછપરછ દરમિયાન જાણવા મળ્યું હતું કે વીડિયોમાં દેખાતી યુવતી દિપાલીના પિતા પાસે રિવોલ્વર માટેનું કોઈ લાયસન્સ હતુ નહીં. જેને લઇને પોલીસે બંન્ને વિરુદ્ધમાં ફરિયાદ દાખલ કરીને સમગ્ર મામલે વધુ કાર્યવાહી કરી છે.