Published By : Parul Patel

ઉત્તરપ્રદેશના ગ્રેટર નોઈડામાં બિલ્ડિંગની લિફ્ટ તૂટી પડતા 4 લોકોના મોત નીપજ્યા હતા. આ બનાવના કારણો અંગે તપાસ ચાલી રહી છે.

ઉત્તર પ્રદેશના ગ્રેટર નોઈડામાં શુક્રવારે એક મોટો અકસ્માત થયો હતો. એક નિર્માણાધીન બિલ્ડીંગની બાંધકામમાં ઉપયોગમાં લેવામાં આવતી લિફ્ટ પડી ગઈ હતી. આ અકસ્માતમાં 4 લોકોના મોત થયા હતા. અકસ્માતની માહિતી મળતા જ પોલીસની ટીમ ઘટના સ્થળે પહોંચી ગઈ હતી. સ્થળ પર અરાજકતાનો માહોલ સર્જાયો હતો. તે જ સમયે, આ અકસ્માતમાં કેટલાક લોકો ઘાયલ પણ થયા છે, જેમને સારવાર માટે નજીકની હોસ્પિટલમાં લઈ જવામાં આવ્યા છે.
બિસરખ પોલીસ સ્ટેશન વિસ્તારના ગૌર સિટી પાસે બિલ્ડિંગનું નિર્માણ કાર્ય ચાલી રહ્યું હતું. દરમિયાન લિફ્ટ અચાનક નીચે પડી ગઈ હતી. આ અકસ્માત બાદ સ્થળ પર 4 લોકોના મોત નીપજતા અરેરાટી ફેલાઈ ગઈ હતી. અન્ય કામદારો ઘટના સ્થળે દોડી આવ્યા હતા.

તે જ સમયે કોઈકએ સ્થાનિક પોલીસને આ અંગે જાણ કરી હતી. એક પોલીસ અધિકારીએ જણાવ્યું કે ઘાયલોને હોસ્પિટલમાં લઈ જવામાં આવ્યા છે, ડોક્ટરોની ટીમ સારવારમાં લાગેલી છે. એક પોલીસ અધિકારીએ જણાવ્યું કે અકસ્માતના કારણોની તપાસ કરવામાં આવશે. જોકે આ અંગે સ્થળ પર હાજર કાર્યકરો સાથે વાતચીત કરવામાં આવી છે. તે જ સમયે, અકસ્માતમાં મૃત્યુ પામેલા લોકોના પરિવારોને માહિતી મોકલવાના પ્રયાસો કરવામાં આવી રહ્યા છે. પોલીસની એક ટીમ પણ બાંધકામની દેખરેખ રાખી રહેલા મેનેજરનો સંપર્ક કરવામાં વ્યસ્ત છે.