Published By : Parul Patel
અરવલ્લી સહીત રાજ્યમા જીવલેણ અકસ્માતના બનાવો વધી રહ્યા છે…
આજે તા 2 એપ્રિલના રોજ વધુ એક અકસ્માતની ધટના અરવલ્લી જિલ્લાના બાયડમાં બની. આ ઘટના વહેલી સવારે બની હતી જેમાં એક LPG ગેસ સપ્લાય કરતા ટ્રકે બાઈકને અડફેટે લેતા 2 બાળકો સહિત દંપતીનું સ્થળ મોત નિપજ્યું છે.
આ ઘટનાની વધુ વિગત મુજબ અરવલ્લી જિલ્લામાં આજે વહેલી સવારે LPG સપ્લાય કરતા એક ટ્રકે બાઈકને અડફેટે લેતા ગંભીર અકસ્માત સર્જાયો હતો. આ અકસ્માતની ઘટના ગાબટ રોડ પર બની હતી. આ ગંભીર અકસ્માતમાં બાઈક સવાર બાળકો સહિત દંપતીનું મોત થયુ છે. આ ઘટનાની જાણ થતા પોલીસની ટીમ ઘટના સ્થળે પહોંચી હતી. પોલીસ દ્વારા હાલ તપાસ શરુ કરવામાં આવી છે. સુત્રોમાંથી મળતી વિગતો મુજબ પતિ-પત્નિ અને બાળકો બાઈક પર જતા હતા, તે દરમિયાન ટ્રક ચાલકે અચાનક સ્ટીયરીંગ પરથી કાબૂ ગુમાવતા અકસ્માતની ઘટના બની હતી. અકસ્માતમાં એક જ પરિવારના ચાર સભ્યના મોત થયા હતા.
