Published by : Vanshika Gor

• કથકમાં ડિગ્રી ધરાવતી ઈજીપ્તની મુસ્લિમ યુવતી રેવા શિવ તાંડવ પર અદભુત પ્રસ્તૃતિ કરશે….

વડોદરામા આજે તા 16ફેબ્રુઆરીના રોજ શિવોત્સવ હેઠળ ગીતાબેન રબારીની ભજન સંધ્યાનું આયોજન કરવામા આવ્યું છે.મહાશિવરાત્રીના પર્વ નિમિત્તે શિવોત્સવ અંતર્ગત અંબાલાલ ગ્રાઉન્ડ ખાતે આયોજીત ગીતાબેન રબારી દ્વારા 16 ફેબ્રુઆરીના રોજ ભજન સંધ્યાનું આયોજન રાખવામાં આવ્યું છે.આ પૂર્વે ઇજિપ્તના એક મુસ્લિમ પરિવારમાંથી આવતી રેવા નામની યુવતી દ્વારા શિવ તાંડવ પર નૃત્યની પ્રસ્તૃતી કરવામાં આવશે. અત્રે ઉલ્લેખનિય છે કે, રેવા અબ્દેલનાસર અટ્ટિયા, ઇજિપ્તની રહેવાસી છે. જ્યારે બરોડાની મહારાજા સયાજીરાવ યુનિવર્સિટીની પર્ફોર્મિંગ આર્ટ ફેકલ્ટીમાંથી કથક નૃત્યમાં ડિગ્રી ધરાવે છે. રેવાના પર્ફોર્મન્સનો સમયગાળો 12 મિનિટનો રહેશે.

આ સમગ્ર પર્ફોર્મન્સમાં કમ્પોઝિશન કોરિયોગ્રાફ અને કમ્પોઝ એમ.એસ.યુના આસિસ્ટન્ટ પ્રોફેસર્સ ફેકલ્ટી ઓફ પર્ફોર્મિંગ આર્ટ્સની ધૃતિ પંડ્યા અને જિગ્નીશા વૈદ્ય દ્વારા કરવામાં આવ્યું છે. નોંધવુ રહ્યું કે રેવાએ જગન્નાથ ધામ પુરી મહોત્સવ ઓરિસ્સા, સંસ્કૃતુક સંઘ પુણે 18મી સાંસ્કૃતિક મંચ ઑફ પર્ફોર્મિંગ આર્ટ્સ, યુવા ખજુરાહો, એમ.પી ખાતે વિદ્યાર્થીઓની વિશ્વ સંસ્થાના આંતરરાષ્ટ્રીય સેમિનારમાં ભાગ લઈ અદભૂત નૃત્યનું પ્રદર્શન કર્યું છે. જ્યારે નૃત્ય નાટકનું પણ પ્રદર્શન કર્યું છે.રેવા શિવ તાંડવ પર ભગવાન શિવના જુદા જુદા સ્વરૂપો બતાવશે. જેમાં જે રીતે શિવજી ગુસ્સે થાય છે, જે રીતે તે બ્રહ્માંડને આશીર્વાદ આપે છે, જે રીતે આપણે તેના માટે પ્રાર્થના કરીએ છીએ , જે રીતે તે આત્મવિશ્વાસ ધરાવે છે, તેનું નૃત્ય સ્વરૂપે વર્ણન કરશે. આમ શિવોત્સવનો પ્રારંભ આજથી થશે.