Published by : Anu Shukla

• ગૃહિણીઓના બજેટ ખોરવાયા…
• ઉનાળા પહેલાં લીંબુના ભાવમાં ભડકો, રૂ.160ના કિલો…

હજીતો ઉનાળાની કાળઝાળ ગરમીની શરુઆત થઈ રહી છે. ત્યારે રાજયમાં શાકભાજીથી માંડીને તમામ ચીજ વસ્તુઓના ભાવમાં વધારો થઈ રહ્યો છે. હાલમાંજ લીંબુના ભાવમા પણ વધારો થતાં ગૃહિણીઓનુ બજેટ ખોરવાયું છે. ભરૂચ જિલ્લામાં લીંબુના ભાવ રૂ 160પ્રતિ કિલો કરતા વધુ જણાઈ રહ્યા છે.

હજી ઉનાળાની શરૂઆત થઈ છે ત્યારે બજારમાં શાકભાજીથી લઈને વિવિધ વસ્તુઓના ભાવમાં વધારો જોવા મળી રહ્યો છે ત્યારે મગફળીની અછતના કારણે તેલના ભાવમાં પણ વધારો થયો છે. ત્યારે ગરમીની શરૂઆતમાં લીંબુના ભાવમાં પણ વધારો થતા લીંબુ ગૃહિણીઓનું બજેટ ખોરવાઈ ગયું છે.

ભરૂચ જિલ્લામાં ઉનાળાની શરૂઆત થાય તે પહેલા લીંબુના ભાવ આસમાને પહોંચ્યા છે. સામાન્ય રીતે ઉનાળામાં લીંબુનો વપરાશ વધુ થતો હોય છે. પરંતુ આ વર્ષે ઉનાળાની શરૂઆત થાય તે પહેલાં જ લીંબુનો સ્વાદ ખાટો નહીં પણ ઉંચા ભાવના કારણે કડવો બની ચૂક્યો છે. કારણ કે બજારમાં લીંબુની આવક ઓછી થઇ છે જેની સામે માંગમાં વધારો થયો છે. જેને કારણે લીંબુના ભાવ બમણા થઈ ચૂક્યા છે.

ભરૂચ જિલ્લામાં લીંબુ રૂ.140પ્રતિ કિલો હોલસેલ ના ભાવે વેચાઈ રહ્યા છે. જ્યારે રિટેલમાં પ્રતિ કિલો રૂ.160 ના વેંચાઈ રહ્યા છે. એક તરફ સિંગતેલના ભાવ પણ વધી રહ્યા છે તો બીજી તરફ લીંબુના ભાવમાં વધારો થતા બજેટ ખોરવાતા ગૃહિણીઓ ત્રાહિમામ પોકારી ઉઠી છે.