Published By : Parul Patel

ભારત અને જર્મની વચ્ચે આર્થિક સંબંધો વધુ મજબૂત બને તેવા સંકેત પ્રાપ્ત થઈ રહ્યા છે. જર્મનીના વાઈસ ચાન્સેલર રોબર્ટ હેબેક ભારતમાં વિકસતા ઈન્ફ્રાસ્ટ્રક્ચરથી પ્રભાવિત થયા છે. ઈન્ફ્રાસ્ટ્રક્ચરનું નેટવર્ક ભારતમાં સતત બિછાવાઈ રહ્યું છે અને તેમ કરીને ભારતે વિશ્વના તમામ દેશોને રોકાણ માટે આકર્ષ્યા છે. આવી પરિસ્થિતીમાં જર્મની પણ ભારતમાં રોકાણ કરવામાં રસ ધરાવે છે. જર્મનીના વાઇસ ચાન્સેલર અને આર્થિક બાબતોના મંત્રી “રોબર્ટ હેબેક” ભારતની મુલાકાતે છે. દેશમાં સુરક્ષિત રોકાણની અપાર સંભાવનાઓ જોયા બાદ રોબર્ટ ભારતમાં રોકાણ કરવા માટે રસ દાખવ્યો છે. વિદેશમંત્રી એસ જયશંકરે જર્મન વાઇસ ચાન્સેલર સાથે મુલાકાત કરી હતી. આ મુલાકાત દરમિયાન જર્મનીના વાઇસ ચાન્સેલરે ભારત સાથે દ્વિપક્ષીય સહયોગ અને રોકાણ વધારવા પર ધ્યાન કેન્દ્રિત કર્યું છે.

બંને નેતાઓએ ભારત-જર્મન સહયોગ માટે ઘણી નવી તકો પર ફળદાયી ચર્ચા કરી હતી. “જયશંકરે કહ્યું, યુક્રેન સંઘર્ષ અને ઈન્ડો-પેસિફિકની સ્થિતિ અંગે પણ રોબર્ટ હેબેક સાથે ચર્ચા કરવામાં આવી હતી.” જર્મનીના આર્થિક બાબતો તેમજ આબોહવા મંત્રી હેબેક ભારતની ત્રણ દિવસની મુલાકાતે છે. તેમની સાથે જર્મનીના ઉચ્ચ અધિકારીઓ અને ઉચ્ચ સ્તરીય કંપનીઓના ઉચ્ચ અધિકારીઓ અને ઉચ્ચ અધિકારીઓ સાથે છે. હેબેકે કહ્યું કે, ભારત અને જર્મની દ્વિપક્ષીય સહયોગને વધુ મજબૂત કરવા માંગે છે. તેમણે કહ્યું કે અમે ભારતીય અને જર્મન કંપનીઓ વચ્ચે રોકાણ અને સહયોગ વધારવા માંગીએ છીએ.