Published by : Vanshika Gor

• આકર્ષક ઓફર.લગ્નોમાં ચોરી કરવાનું વાર્ષિક પેકેજ 18 લાખ….. આ ગેંગના સગીર બાળકો લક્ઝરી કાર-ફ્લાઇટમાં કરે છે સફર….

લગ્ન પ્રસંગોમાં જાહોજલાલી હોય તે સ્વાભાવિક બાબત છે ત્યારે આવા લગ્ન પ્રસંગોમા ચોરી કરવા અંગે પ્રોફેશનલ સગીર બાળકોની ગેંગ તૈયાર કરવામાં આવી છે.સગીરો ને .આ ગેંગમા સામીલ થવા ખાસ ટ્રેનિંગ આપવામા આવે છે.જે અંગે ખાસ્સો ખર્ચ પણ કરવામાં આવે છે.ભવ્ય લગ્નપ્રસંગમાં ચોરી કરવા માટે MPની સગીર ગેંગ સક્રિય છે. તેની ગેંગમાં સૌથી વધુ 8 થી 13 વર્ષના બાળકો છે. તેમનું કામ કોઈપણ લગ્નમાં જઈને દાગીના ભરેલી બેગ ની ઉઠાંતરી કરવાનું હોય છે. આ માટે તેમને ટ્રેનિંગ આપવામાં આવે છે. કેવી રીતે કપડાં પહેરવા, કેવી રીતે ચાલવું, કેવી રીતે વાત કરવી, કેવી રીતે બેસવું, આ બધી બાબતોનો તાલીમમાં સમાવેશ કરવામાં આવ્યો છે. તાલીમ માટે સારો એવો ખર્ચ પણ કરવામાં આવે છે સગીરોની જીવનશૈલી સુધારવા માટે, તેમને લક્ઝરી વાહનો અને ફ્લાઈટ્સમાં લાવવામાં આવે છે. આ ચોંકાવનારો ખુલાસો રાજસ્થાનના બુંદીમાં પકડાયેલા એક સગીરે પોલીસ સમક્ષ કર્યો છે.આ સગીર તા .9 ફેબ્રુઆરીના રોજ, બુંદી શહેરના મેરેજ ગાર્ડનમાં ચોરી કરતા પકડાયો હતો. તેણે ત્રીજા ધોરણ સુધી અભ્યાસ કર્યો છે. આરોપી મધ્યપ્રદેશના રાજગઢ જિલ્લાના ગુલ ખેડી ગામનો રહેવાસી છે. પોલીસે તેની પૂછપરછ કરી તો ચોંકાવનારી માહિતી સામે આવી હતી.

નવાઈની પરતું સાચી બાબત એ છે કે સગીર એમપીની ગેંગમાં વાર્ષિક 18 લાખ રૂપિયાના પેકેજ પર કામ કરે છે. આ ટોળકી લગ્ન સમારોહમાંથી દાગીના અને પૈસા ભરેલી બેગની ચોરી કરે છે. લગ્ન સમારોહમાં નાના બાળકો પર કોઈને શંકા નથી થતી, તેથી દુષ્ટ બદમાશો બાળકોને તાલીમ આપે છે. સમગ્ર પેકેજ ડીલ બાળકોના પરિવારના સભ્યો સાથે કરવામાં આવે છે.એક ગેંગમાં 8થી 10 સભ્યો હોય છે. તેમાંથી મોટાભાગના સગીર બાળકો છે. ગેંગના સભ્યો બાળકોને દેશભરમાં લક્ઝરી કાર, ટ્રેન અને હવાઈ મુસાફરી કરાવે છે, જેથી તેમનું વર્તન અને બોલવાની શૈલી બદલી શકાય. આ સાથે તેમને ગુનાની નવી પદ્ધતિઓ શીખવવામાં આવે છે. લગ્નપ્રસંગમાં લઈ જઈને ચોરી કેવી રીતે કરવી એ જણાવવામાં આવે છે.

આ સગીર ચોર ટોળકી મધ્યપ્રદેશની સરહદે રાજસ્થાન, ગુજરાત અને મહારાષ્ટ્રમાં સૌથી વધુ ઘટનાઓને અંજામ આપે છે. પોલીસને રોહતક (હરિયાણા), દિલ્હી, જયપુર (રાજસ્થાન), જાલોર (રાજસ્થાન) અને મહારાષ્ટ્રમાં ચોરી અંગેના કોલ મળ્યા છે.સગીર સાથેના ગેંગના સભ્યો તેના દાગીનાની થેલી ચોરી કરતા પકડાયા બાદ ફરાર થઈ ગયા હતા. ઍક સગીરે પૂછપરછ દરમિયાન ખુલાસો કર્યો કે તેણે અત્યાર સુધીમાં એટલી બધી ઘટનાઓ કરી છે કે તે ગણતરી ભૂલી ગયો છે. ત્રીજા ધોરણ સુધી ભણેલો આ છોકરો ખૂબ જ હોશિયાર છે. તેણે જણાવ્યું કે તેના માતા-પિતાએ તેને 4 વર્ષ પહેલા લગ્ન સમારંભમાંથી વાર્ષિક 18 લાખ રૂપિયાના પેકેજમાં બેગ ચોરતી ગેંગને સોંપી દીધો હતો. ત્યારપછી તેણે અનેક ઘટનાઓને અંજામ આપ્યો છે.અત્યાર સુધી તેણે મહારાષ્ટ્ર, રાજસ્થાન, દિલ્હી અને હરિયાણામાં ઘટનાઓને અંજામ આપ્યો છે. તે સમયાંતરે તેના માતા-પિતાની મુલાકાત પણ લે છે. આ દરમિયાન તેની અવરજવર માટે પણ ટોળકી દ્વારા વ્યવસ્થા કરવામાં આવે છે. વર્ષ પૂરું થતાં જ પેકેજની રકમ તેના માતા-પિતાને સોંપી દેવામાં આવે છે. સગીરના માતા-પિતા અને ગેંગના સભ્યોની શોધમાં એક ટીમ મધ્યપ્રદેશ મોકલવામાં આવી છે. સગીર ગેંગના સભ્યો પહેલા તે વિસ્તારમાં રેકી કરીને ટાર્ગેટ નક્કી કરે છે. આ પછી, સગીર અને તેની સાથે ગેંગના કેટલાક સભ્યો સૂટ-બૂટ અને સારા કપડાં પહેરીને લગ્ન સમારોહમાં પ્રવેશ કરે છે. અહીં સગીર પૈસા કે દાગીના ભરેલી બેગ પસાર કરીને ગેંગના સભ્યોને આપે છે. આ પછી તે પોતે પણ ત્યાંથી નીકળી જાય છે.લગ્ન સમારોહમાં ગેંગ મેઈલના સભ્યો અને બાળકોની 8-10ની ટીમ હોય છે, જેઓ પૈસા કે દાગીના ભરેલી થેલી લઈને ફરાર થઈ જાય છે.