Published by : Rana Kajal
આજે પણ લોકો ક્રૂઝ પર મુસાફરી કરવાનો રોમાંચ અનુભવે છે ત્યારે હાલમા વિશ્વનુ સૌથી મોટું ‘આઇકન ઑફ ધ સીઝ’ હ ક્રૂઝ લોકો માટે આકર્ષણ જમાવી રહ્યુ છે… . આ ક્રુઝ શિપમાં 7960 લોકો એકસાથે મુસાફરી કરી શકશે. તેની લંબાઈ 1200 ફૂટ છે. આ જહાજમાં અનેક પ્રકારની સુવિધાઓ છે. તેની સત્તાવાર ટ્રાયલ પૂર્ણ થઈ ગઈ છે. ‘આઇકન ઓફ ધ સીઝ’ ટાઇટેનિક કરતા અનેક ગણી મોટી છે. જે સમયે ટાઇટેનિક લોન્ચ કરવામાં આવ્યું હતું તે સમયે તેને વિશ્વનું સૌથી મોટું જહાજ કહેવામાં આવતું હતું. ટાઇટેનિકની લંબાઈ લગભગ 882 ફૂટ હતી. તેની ઉંચાઈ 17 માળની ઈમારત જેટલી હતી. ફિનલેન્ડમાં વિશ્વના સૌથી મોટા ક્રુઝ જહાજ ‘આઈકન ઓફ ધ સીઝ’ની ટ્રાયલ લેવામાં આવી હતી. સંપૂર્ણ તપાસ કર્યા પછી, જહાજ મેયર તુર્કુ શિપયાર્ડ (ફિનલેન્ડ) પરત ફર્યું. આઇકોન ઓફ ધ સીઝની લંબાઈ 365 મીટર છે. આ જહાજમાં 5610 મુસાફરો અને 2350 ક્રૂ મેમ્બર એકસાથે મુસાફરી કરી શકે છે. ટ્રાયલ દરમિયાન, 450 નિષ્ણાતોએ 4 દિવસ સુધી જહાજના મુખ્ય એન્જિન, પ્રોપેલર, અવાજનું સ્તર, ધનુષ વગેરેની તપાસ કરી. સંપૂર્ણ તપાસ કર્યા બાદ જ જહાજ શિપયાર્ડમાં પરત ફર્યું હતું. સાથેજ તે સમુદ્રમાં ચાલતો સૌથી મોટો વોટરપાર્ક ધરાવે છે. તેમાં 6 વોટરસ્લાઈડ લગાવવામાં આવી છે. સાત પૂર્ણ કદના સ્વિમિંગ પુલ છે. પરિવાર માટે એક્વા પાર્ક અને સ્વિમ અપ બારની સુવિધાઓ છે. મુસાફરો પૂર્વીય અને પશ્ચિમી કેરેબિયન દ્વારા સફર કરતા 7 રાત સુધી આ ક્રુઝ શિપ પર રહી શકો છો. પ્રથમ સફર માટે તમામ બેઠકો અત્યારથીજ બુક થઈ ગયેલ છે.
