દુનિયામાં કોરોનાનો ખતરો ફરી મંડરાવા લાગ્યો છે. વિશ્વની સેન્ટ્રલ બેંકો જે રીતે વ્યાજદરમાં વધારો કરી રહી છે અને આવતા વર્ષે પણ દર વધારવાના સંકેત આપી રહી છે તેના કારણે વિશ્વમાં મંદીની સ્થિતિ સર્જાવાની ભીતિ સેવાઈ રહી છે. જેના કારણે રિઝર્વ બેંક ઓફ ઈન્ડિયાની ચિંતાઓ વધવા લાગી છે. રિઝર્વ બેંકના અહેવાલ અનુસાર, જોખમ સંતુલન અંધકારમય વૈશ્વિક દૃષ્ટિકોણ તરફ નમેલું છે અને વિશ્વની ઊભરતી બજાર અર્થવ્યવસ્થાઓ એટલે કે EMEs વધુ સંવેદનશીલ દેખાય છે. જ્યારે આર્થિક ડેટા દર્શાવે છે કે વૈશ્વિક ફુગાવો તેની ટોચ પર હોઈ શકે છે. આરબીઆઈએ તેના ‘સ્ટેટ ઓફ ધ ઈકોનોમી’ રિપોર્ટમાં જણાવ્યું છે કે ફુગાવો થોડો નીચે આવી શકે છે, પરંતુ તે આગામી વર્ષ માટે પણ લક્ષ્યાંક કરતાં વધુ રહેવાની શક્યતા છે.
ફુગાવાને અંકુશમાં લેવા માટે આ વર્ષે મે મહિનાથી રેપો રેટમાં 225 બેસિસ પોઈન્ટનો વધારો કર્યા પછી, આરબીઆઈના અહેવાલમાં જણાવાયું છે કે ભારતીય અર્થતંત્રના વિકાસના દૃષ્ટિકોણને સ્થાનિક ડ્રાઈવરો દ્વારા ટેકો મળ્યો છે. ભારતમાં મજબૂત પોર્ટફોલિયો પ્રવાહને કારણે નવેમ્બરમાં ઈક્વિટી બજારો નવી ઊંચાઈએ પહોંચ્યા હતા. ફુગાવો 6 ટકા પર સ્થિર રહેવા છતાં, શાકભાજીના ભાવમાં ઘટાડાને કારણે છૂટક ફુગાવો 0.90 ટકા ઘટ્યો હતો અને છૂટક ફુગાવાનું સ્તર ઘટીને 5.9 ટકા થયું હતું. રિપોર્ટ અનુસાર, ઇનપુટ કોસ્ટમાં ઘટાડો, કોર્પોરેટ વેચાણમાં વધારો અને સ્થિર સંપત્તિમાં રોકાણને કારણે ભારતીય અર્થવ્યવસ્થાનો વિકાસ ઝડપી જોવા મળી શકે છે.
2023 માટેના અંદાજો વધુ સારા દેખાતા નથી, જે નબળા વૈશ્વિક વૃદ્ધિ તરફ નિર્દેશ કરે છે. આરબીઆઈએ કહ્યું કે ફુગાવો 2023માં વર્તમાન સ્તરથી નીચે આવવાની સંભાવના છે. પરંતુ મોટાભાગની અર્થવ્યવસ્થાઓમાં તે લક્ષ્યાંક કરતાં વધુ રહેશે.
