બહુ ચર્ચિત શ્રદ્ધા હત્યા કેસમાં નવા ખુલાસાથી લોકોમાં ખળભળાટ મચી ગયો છે. હવે આ કેસમાં ગુજરાત કનેકશન સામે આવ્યું છે. આરોપી આફતાબે શ્રદ્ધાની હત્યા કરીને મૃતદેહના 35 ટુકડા કરી નાખ્યાની કબૂલાત કરી છે ત્યારથી આ મામલાને લઈને સમગ્ર દેશમાં ખળભળાટ મચી ગયો છે. પોલીસ આ કેસની ગૂંચવણ ઉકેલવા માટે તમામ પ્રયાસો કરી રહી છે.

પોલીસ તપાસમાં એવું સામે આવ્યું હતું કે આફતાબ ડ્રગ્સ લેતો હોય એવી શક્યતા છે. આફતાબ સાથે સંકળાયેલા ડ્રગ-પેડલર ફૈઝલ મોમિનની સુરતથી ધરપકડ કરવામાં આવી છે. સૌથી ચોંકાવનારી વાતએ છે કે ડ્રગ-પેડલર સુરતનો હોવાનું બહાર આવ્યું છે. ફૈઝલ મોમિન આફતાબને ડ્રગ્સ પહોંચાડતો હતો એવી વાત સામે આવી છે. ફૈઝલ મોમિનની કોલ રેકોર્ડની તપાસ કરવામાં આવશે. ફૈઝલ મોમિનની 4 દિવસ પહેલાં સુરત ક્રાઈમ બ્રાન્ચે ધરપકડ કરી હતી. પાંડેસર અને અમરોલીમાં 4 કરોડ ડ્રગમાં ફૈઝલની મુંબઈથી ધરપકડ કરવામાં આવી હતી. ફૈઝલ મોમિન હાલ સુરતની લાજપોર જેલમાં છે.