Published By : Disha PJB

સુરત લિંબાયતમાં લવ જેહાદને મામલે વધુ 4 ની ધરપકડ કરવામાં આવી છે. આ બાબતે લિંબાયત પોલીસ સ્ટેશનના પી.એસ.આઈ ગમીતે જણાવ્યું કે, આ મામલાની ફરિયાદ ગત 26મી એપ્રિલના રોજ ભોગ બનનાર ફરિયાદીએ પોલીસ સ્ટેશનમાં ફરિયાદ નોંધાવી હતી કે, તેમને વાજીદ મલેક જોડે પ્રેમ થયો હતો. ત્યારબાદ બંનેએ એક બીજા સાથે લગ્રન કર્યા હતા. બાદમાં ફરિયાદીને જાણ થઇ કે તેઓએ મુસ્લિમ પરિવારમાં લગ્રન કર્યા છે. જેથી તેઓ ગભરાઈ ગયા હતા. તેમ છતાં તેમની સાથે થોડા દિવસો સુધી પરિવારે સારુ વર્તન કર્યું હતું. ત્યારબાદ ધીરે ધીરે પરિવારે ત્રાસ આપવાનું શરૂ કર્યું હતું. અને ખોટી રીતે હેરાનગતિ પણ કરવામાં આવતી હતી. બે થી ત્રણ વખત તેને માર પણ મારવામાં આવ્યો હતો.

વધુમાં જણાવ્યું કે, ત્યારબાદ પરિવાર અને પતિ દ્વારા તેમને બળજબરીથી મુસ્લિમ ધર્મ અંગીકાર કરાવી નમાઝ પઢવા અને કુરાન વાંચવા દબાણ કરી ત્રાસ આપ્યો હતો. તે ઉપરાંત તેઓને નોન વેજ ખાવા માટે પણ દબાણ કરવામાં આવતું હતી. અંતે પતિ તેમની સાથે મારઝુડ પણ કરતો અને તેમના જેઠ અને દીયરે તેમની સાથે જબરજસ્તી શરીર સંબંધ પણ બાંધ્યો હતો. જેથી ભોગ બનનારે અંતે પોલીસ સ્ટેશનમાં ફરિયાદ નોંધાવી હતી. જે આધારે પતિ વાજીદ મલેક અને તેના નાના ભાઈની ધરપકડ કરવામાં આવી હતી. પરંતુ ધરપકડ થયા બાદ પરિવારના સાસુ, સસરા અને જેઠ અને તેમની પત્ની ફરાર થઇ ગયા હતા. તેઓની ગઈકાલે ધરપકડ કરવામાં આવી છે.અને હાલ આગળની કાર્યવાહી કરવામાં આવેલ છે.

ઇનપુટ : જયેન્દ્ર પાંડે, સુરત.