તાઈવાન મહિલાઓને રિઝર્વ ફોર્સમાં સામેલ કરવા જઈ રહી છે અને તેમને પુરુષોની જેમ સૈન્ય તાલીમ આપવા જઈ રહી છે. જે મહિલાઓ અનામત દળમાં જોડાવા માંગે છે તેઓ સ્વૈચ્છિક રીતે તાલીમ માટે નોંધણી કરાવી શકે છે.ચીનની ઘૂસણખોરી અને યુદ્ધની તૈયારીઓને જોઈને તાઈવાને પોતાની તૈયારીઓ વધારી દીધી છે. સંરક્ષણ મંત્રાલયે કહ્યું કે તે આ વર્ષના બીજા ક્વાર્ટરથી 220 મહિલા સૈનિકોને તાલીમ આપશે. તાઈવાનના સંરક્ષણ મંત્રાલયની ઓલ-આઉટ ડિફેન્સ મોબિલાઈઝેશન એજન્સીના મેજર જનરલ યુ વેન-ચેંગે કહ્યું છે કે આ વર્ષે આ યોજના ટ્રાયલ પર હશે.

સાંસદોએ આ નિવેદન પર તીખી પ્રતિક્રિયા આપતા કહ્યું છે કે મહિલાઓને અનામત તાલીમમાંથી બાકાત રાખવી એ લિંગ ભેદભાવ છે. વાસ્તવમાં ચીન દરરોજ ફાઈટર જેટ સાથે તાઈવાનની એરસ્પેસમાં ઘૂસણખોરી કરી રહ્યું છે. ચીને તાજેતરમાં તાઈવાનની ખૂબ નજીક એક મોટી નૌકા કવાયત હાથ ધરી છે. એવી આશંકા છે કે આ ટ્રેનિંગની આડમાં ચીન યુદ્ધની તૈયારી કરી રહ્યું છે.