Published by : Anu Shukla

• ચાર યુવકને 100 મીટર સુધી ઢસડી ગયું ટ્રેલર…
• રસ્તાની સાઇડમાં ઊભા રહીને વાતો કરતા હતા….

હિટ એન્ડ રનની ઘટનાઓ આજકાલ દેશમા ખૂબ વધી ગઈ છે. ત્યારે જયપુર-અજમેર હાઇવે પર એક ભયાનક અકસ્માતમાં ચાર લોકોનાં મોત થયાં હતાં. ટ્રેલર રસ્તાની સાઇડમાં ઊભેલા ચાર યુવકને કચડીને નીકળી ગયું હતું. આ ઘટના રાજસ્થાનના દુદુના ગાઝી મોડ પાસે આવેલી સંતોષ હોટલની સામે બની હતી. અકસ્માત એટલો ભયંકર હતો કે ચારેય યુવકનાં ઘટનાસ્થળે જ મોત થયાં હતાં.આ અકસ્માતમાં પડસોલી ગામના રહેનારા અમરચંદ માલી (30), જિતેન્દ્ર (30), સલીમ મન્સૂરી (32), પવન કુમાર (25) મૃત્યુ પામ્યા હતા. અકસ્માતની માહિતી મળ્યા બાદ દુદુ પોલીસ સ્ટેશનના સબ- ઇન્સ્પેક્ટર નેમી ચંદ ઘટનાસ્થળે પહોંચ્યા હતા.ચારેય યુવકના મૃતદેહોને હોસ્પિટલના મોર્ચ્યુરીમાં રાખવામાં આવ્યા હતા.

ચારેય યુવકના મૃતદેહોને હોસ્પિટલના મોર્ચ્યુરીમાં રાખવામાં આવ્યા હતા.

બાઇક પાર્ક કરીને રસ્તાની સાઇડમાં વાતો કરી રહ્યા હતા. એ સમયે જયપુરથી અજમેર જઈ રહેલા ટ્રેલરે ચાર યુવકને ટક્કર મારી હતી. ટ્રેલરે ચાર યુવાનને 100 મીટર સુધી ઢસડી લઈ ગયું હતું, જેને કારણે મૃતદેહના ટુકડાઓ હાઇવે પર વિખેરાઈ ગયા હતા.

આ અંગે વધુ મળતી માહિતી મુજબ, અમરચંદ પડસોલી ગામમાં જ લાઇટ ડેકોરેશન અને ડીજેનું કામ કરતો હતો. સલીમ ડ્રાઇવર તરીકે કામ કરતો હતો. જિતેન્દ્ર સેન હેર કટિંગ સાથે અને પવન માલી ખેતી સાથે સંકળાયેલો હતો.