Published by : Rana Kajal

ગુજરાત વિધાનસભા ચૂંટણીમાં જંગી જીત મેળવ્યા પછી ભાજપ સુપર એક્ટિવ મોડમાં ફરીથી આવી ગઈ છે. ત્યારે ઘણાના મનમાં એ સવાલ થતો હશે કે મુખ્યમંત્રીઓને કેટલો માસિક પગાર મળતો હોય છે. તેમને રહેવાથી લઈ કઈ કઈ સુવિધાઓ પણ આપવામાં આવતી હોય છે. તથા ગુજરાતના મુખ્યમંત્રી ભૂપેન્દ્ર પટેલની કુલ સંપત્તિ કેટલી છે એના પર પણ નજર કરીએ….

ગુજરાતના મુખ્યમંત્રી ભૂપેન્દ્ર પટેલ પાટીદાર નેતા છે. તેઓ સતત બીજીવાર CM પદ માટે શપથ લીધી છે. નોંધનીય છે કે ભૂપેન્દ્ર પટેલે ઘાટલોડિયા બેઠક પરથી 1.92 લાખ મતોની જંગી લીડ સાથે જીત દાખવી હતી. ત્યારે ભૂપેન્દ્રભાઈ પટેલનો પગાર કેટલો હશે એના પર ચર્ચા કરીએ. તેમને દર મહિને 3 લાખ 21 હજાર રૂપિયાનો પગાર મુખ્યમંત્રી તરીકે મળશે.

મુખ્યમંત્રી ભૂપેન્દ્ર પટેલને સારા પગારની સાથે અન્ય સુવિધાઓ પણ મળશે. જેમાં તેમને ફ્રીમાં રહેઠાણ, મુસાફરી કરવી હોય એના માટેનું ભથ્થું, તબીબી સુવિધાઓ વગેરે મળશે. આની સાથે મુખ્યમંત્રી ભૂપેન્દ્ર પટેલની પાસે કુલ કેટલી સંપત્તિ છે એના પર પણ નજર કરીએ. તેમણે 2022ની ચૂંટણી દરમિયાન એફિડેવિટમાં સંપત્તિનો ઉલ્લેખ કર્યો હતો. જેમાં તેમની પાસે કુલ 8 કરોડ 22 લાખ રૂપિયાની સંપત્તિ છે. તેમની પોતાની પાસે કોઈ જમીન નથી પણ તેમના પત્નીના નામે 16 લાખ 30 હજાર રૂપિયાની જમીન છે. આની સાથે જ ભૂપેન્દ્ર પટેલ પાસે રૂપિયા 25 લાખ સુધીના દાગીનાઓ છે તથા તેમના પત્ની પાસે 47 લાખ 50 હજાર સુધીના દાગીના છે. 2017 ચૂંટણીની વાત કરીએ તો તેમણે 5 કરોડ રૂપિયાની સંપત્તિ જાહેર કરી હતી.