ટીમ ઈન્ડિયાના કેપ્ટન રોહિત શર્મા બાંગ્લાદેશની સામે 22 ડિસેમ્બરથી મીરપુરમાં શરૂ થઈ રહેલી બીજી ટેસ્ટમાં નહિ રમે. તેમનો અંગૂઠો હજુ પણ પૂરી રીતે ઠીક નથી થયો. ક્રિકબઝે સોમવારે પોતાના એ રિપોર્ટમાં એવો દાવો કર્યો હતો કે રોહિત ઢાકા ટેસ્ટમાં ટીમ ઈન્ડિયાના ભાગ નહિ હોય. તેમની જગ્યાએ વાઇસ કેપ્ટન કેએલ રાહુલ જ પહેલી ટેસ્ટ મેચની જેમ બીજી ટેસ્ટ મેચમાં પણ કેપ્ટનશિપ કરશે.
ભારત અને બાંગ્લાદેશ વચ્ચે આગામી ગુરુવારે ઢાકામાં ટેસ્ટ મેચ રમાનારી છે. બે ટેસ્ટ મેચોની શ્રેણીની અંતિમ ટેસ્ટ રમાનારી છે. આ પહેલા સિરીઝમાં ભારતે ચટગાંવ ટેસ્ટ જીતીને 1-0 થી સરસાઈ મેળવી લીધી છે. જોકે આ દરમિયાન બીજી ટેસ્ટ પહેલા રોહિત શર્માને લઈને સમાચાર સારા આવી રહ્યા નથી. રોહિત શર્માને હજુ પણ ઈજામાં સંપૂર્ણ રાહત મળી શકી નથી.