30 સપ્ટેમ્બર 2022ના રોજ સિનેમાઘરોમાં રિલીઝ થયેલી સાઉથના પ્રખ્યાત અને મોટા દિગ્દર્શક મણિરત્નમની ફિલ્મ ‘પોનીયિન સેલ્વન 1’ બ્લોકબસ્ટર સાબિત થઈ છે. આ ફિલ્મને આખી દુનિયામાં ખૂબ પસંદ કરવામાં આવી હતી અને આ ફિલ્મે બોક્સ ઓફિસ પર પણ ઘણી કમાણી કરી હતી. તેમજ ‘પોનીયિન સેલ્વન 2’ની રિલીઝ ડેટ પણ જાહેર કરવામાં આવી છે..

‘PS1’ રિલીઝ થયાને ત્રણ મહિના જ થયા છે. જો કે, તેની સફળતા જોઈને મેકર્સે બીજા પાર્ટની પણ જાહેરાત કરી છે. ‘PS 2’નો ટીઝર વીડિયો 28 ડિસેમ્બરે રિલીઝ કરવામાં આવ્યો છે, સાથે જ બીજા પાર્ટની રિલીઝ ડેટ પણ જાહેર કરવામાં આવી છે.

ટીઝર વીડિયોમાં સાઉથના સુપરસ્ટાર વિક્રમ, કાર્તિ, ઐશ્વર્યા રાય અને જયમ રવિ જેવા સ્ટાર્સની ઝલક જોવા મળી રહી છે. વીડિયોની શરૂઆતમાં વિક્રમ ગુસ્સામાં બેઠો જોવા મળે છે અને અંતમાં ઐશ્વર્યા રાય જોવા મળે છે. આ ટીઝર વીડિયોમાં ‘ચોલાસા આર બેક’ લખાણ પણ જોવા મળી રહ્યું છે. આ દમદાર ટીઝર વીડિયો સામે આવતાની સાથે જ ફિલ્મને લઈને લોકોની ઉત્સુકતા વધી ગઈ છે. મેકર્સે ‘PS 2’ની રિલીઝ ડેટ પણ જાહેર કરી દીધી છે. તમને જણાવી દઈએ કે ‘પોનીયિન સેલવાન 2’ 28 ડિસેમ્બર 2023ના રોજ વિશ્વભરના સિનેમાઘરોમાં રિલીઝ થશે.