Published by : Vanshika Gor

હોસ્પિટલમાં દાખલ રિષભ પંતને લઈને મોટા સમાચાર સામે આવ્યા છે. અહેવાલ છે કે તેમને ટૂંક સમયમાં હોસ્પિટલમાંથી રજા આપવામાં આવી શકે છે. મુંબઈમાં સફળ સર્જરી બાદથી પંત હોસ્પિટલમાં ડોક્ટરોની દેખરેખ હેઠળ છે. TOIના રિપોર્ટ અનુસાર, પંતની બે સફળ લિગામેન્ટ સર્જરી થઈ છે. ડોકટરોને આશા છે કે પંતની બાકીની ઇજાઓ પણ ટુંક સમયમાં જ ઠીક થઈ જશે.” એટલું જ નહીં, રિપોર્ટમાં એવું પણ કહેવામાં આવ્યું છે કે ટીમ ઈન્ડિયાના આ વિકેટ કીપર બેટ્સમેનને પણ ટૂંક સમયમાં હોસ્પિટલમાંથી રજા આપવામાં આવી શકે છે.

સાજા થવામાં 4-6 અઠવાડિયા લાગશે
TOI સૂત્રોના જણાવ્યા અનુસાર, “લિગામેન્ટને સાજા થવામાં 4 થી 6 અઠવાડિયાનો સમય લાગે છે. ત્યારપછી બે મહિના પછી જોવામાં આવશે કે તે હવે રમી શકશે કે નહીં. પંત જાણે છે કે આ એક ગંભીર પ્રક્રિયા છે. આ દરમિયાન તેમનું કાઉન્સેલિંગ પણ કરવામાં આવશે. તેને ક્રિકેટ રમવા માટે ઓછામાં ઓછા 4 થી 6 મહિનાનો સમય લાગશે.