Published by : Anu Shukla

• દરરોજ લગભગ ૧૨ ટકા વૈશ્વિક વેપાર આ નહેરમાંથી પસાર થાય છે
• વિશ્વના સૌથી વ્યસ્ત વેપાર માર્ગોમાંનો એક છે
• ભારત અને ઇજિપ્ત વચ્ચે થઈ સહમતિ

ભારત અને ઇજિપ્તે બિનજોડાણવાદી આંદોલન, આંતરરાષ્ટ્રીય કાયદા અને તમામ દેશોની સાર્વભૌમત્વ અને પ્રાદેશિક અખંડિતતા માટે આદરનાં મૂલ્યો સ્થાપિત કરવા માટે તેમની પ્રતિબદ્ધતા બતાવી છે. વડા પ્રધાન નરેન્દ્ર મોદી અને ઇજિપ્તના રાષ્ટ્રપતિ અબ્દેલ ફત્તહ અલ-સિસી વચ્ચેની વાતચીત દરમિયાન આ અંગે સહમતિ બતાવી હતી. આ બેઠકમાં બંને નેતાઓએ સામાન્ય હિતોને ધ્યાનમાં રાખીને દ્વિપક્ષીય, ક્ષેત્રીય અને વૈશ્વિક મુદ્દાઓ પર વિસ્તૃત ચર્ચા કરી હતી.

બેઠક બાદ જારી કરવામાં આવેલા સંયુક્ત નિવેદનમાં નોંધવામાં આવ્યું છે કે ઇજિપ્તની સરકાર સુએઝ કેનાલ ઇકોનોમિક ઝોનમાં ભારતીય ઉદ્યોગો માટે વિશેષ વિસ્તાર ફાળવવાની સંભાવના પર વિચાર કરી રહી છે. આ માટે ભારત સરકાર માસ્ટર પ્લાન સૂચવી શકે છે. ભૂમધ્ય સાગરને લાલ સમુદ્ર સાથે જોડે છે, તે વિશ્વના સૌથી વ્યસ્ત વેપાર માર્ગોમાંનો એક છે. દરરોજ લગભગ ૧૨ ટકા વૈશ્વિક વેપાર આ નહેરમાંથી પસાર થાય છે.

ઇજિપ્તમાં ઉપલબ્ધ રોકાણની તકોનો ઉપયોગ કરવા માટે, ભારત વિદેશી રોકાણો સ્થાપિત કરવા માટે સક્ષમ તેની કંપનીઓને પ્રોત્સાહિત કરશે. ઇજિપ્તની સરકાર સુએઝ કેનાલ ઇકોનોમિક ઝોનમાં ભારતીય ઉદ્યોગો માટે ખાસ વિસ્તાર ફાળવવાની શક્યતા પર વિચાર કરી રહી છે અને ભારતીય પક્ષ માસ્ટર પ્લાનની વ્યવસ્થા કરી શકે છે.

પ્રજાસત્તાક દિનની ઉજવણીમાં અલ-સિસી મુખ્ય અતિથિ તરીકે ઉપસ્થિત રહ્યા હતા

પીએમ મોદી અને રાષ્ટ્રપતિ અલ-સિસીએ રાજકીય અને સુરક્ષા સહયોગ, આર્થિક સંબંધ, મજબૂત વૈજ્ઞાનિક અને શૈક્ષણિક સહયોગ તેમજ વ્યાપક સાંસ્કૃતિક અને લોકોથી લોકોના સંપર્ક પર આધારિત દ્વિપક્ષીય સંબંધોની સ્થિતિની સમીક્ષા કરી હતી. આ સાથે જ બંને દેશોએ બહુપક્ષીયવાદ, સંયુક્ત રાષ્ટ્ર ચાર્ટરનાં સિદ્ધાંતો, આંતરરાષ્ટ્રીય કાયદા, બિનજોડાણવાદી આંદોલનનાં મૂલ્યો સ્થાપિત કરવા અને તમામ દેશોની સાર્વભૌમિકતા અને પ્રાદેશિક અખંડતા પ્રત્યે પોતાની પ્રતિબદ્ધતાનો પુનરોચ્ચાર કર્યો હતો.