Published by : Rana Kajal

ભારત અને અમેરિકા વચ્ચે ટૂંક સમયમાં સંરક્ષણ  ક્ષેત્રે મહત્વપૂર્ણ કરાર થઈ શકે છે. જેના અંતર્ગત ભારતને અમેરિકા પાસેથી 18 સશસ્ત્ર પ્રિડેટર ડ્રોન MQ 9A મળશે. આ અમેરિકન ડ્રોન અત્યાર સુધીનું વિશ્વનું સૌથી શક્તિશાળી ડ્રોન છે. જેના  આવવાથી હિંદ મહાસાગરમાં ભારતની તાકાત વધશે, અને ચીનની ગતિવિધિઓ પર અંકુશ રાખવા મોટી મદદ મળી શકે છે. 

ભારતીય નૌકાદળ પહેલાથી જ દરિયાઈ સુરક્ષા માટે યુએસ પાસેથી લીઝ પર જનરલ એટોમિક્સ દ્વારા ઉત્પાદિત MQ 9B ડ્રોન ખરીદી ચુકી છે. આ 18 સશસ્ત્ર ડ્રોન હસ્તગત કર્યા પછી, તેમને એપ્રિલમાં કારવાર નેવલ બેઝ ખાતે સંયુક્ત કમાન્ડર કોન્ફરન્સમાં રાખવામાં આવશે, જેમાં ત્રણેય દળોને 6-6 ડ્રોન આપવામાં આવશે. વડાપ્રધાન નરેન્દ્ર મોદી સંમેલનને સંબોધિત કરવાના છે. માર્ચમાં યોજાવનારી પ્રથમ પરિષદ હવે એપ્રિલ સુધી લંબાવવામાં આવી છે.

શક્તિશાળી ડ્રોનની વિશેષતા 

આ પ્રિડેટર સશસ્ત્ર ડ્રોન 24 કલાક 50,000 ફૂટ સુધી ઉડી શકે છે. આ હેલફાયર એર-ટુ-ગ્રાઉન્ડ અને એર-ટુ-એર મિસાઇલોથી સજ્જ છે, જે દુશ્મનનો પડકારવા સક્ષમ છે.