Published By : Disha PJB

સુરત એસઓજી પોલીસે ડુમ્મસ એરપોર્ટ પાસેથી એક નંબર વગરની કારમાંથી 7.158 કિલો સોના સાથે ચાર વ્યક્તિઓની ધરપકડ કરી છે. આ સોનાની કિંમત 4.29.48.000 હજાર છે. હાલ પોલીસે આ મામલે આગળની તપાસ હાથ ધરી છે. જોકે આ પ્રકારની દાણ ચોરી ખાસ કરીને કસ્ટમ ડ્યુટી ના આપવી પડે તે માટે કરવામાં આવે છે.

આ બાબતે સુરત શહેરના જોઈન્ટ પોલીસ કમિશ્નર શરદ સિંગલે જણાવ્યું કે, સુરત એસ.ઓ.જી પોલીસ પાસે એવી માહિત હતી કે, સોનાની દાણ ચોરી ચાલી રહી છે. દુબઈથી સોનાની કસ્ટમ ડ્યુટી ના આપવી પડે તે માટે કાર્ય કરવામાં આવી રહ્યું છે. જેને લઈને છેલ્લા 15 દિવસથી આ ગેંગ ઉપર અમારી વોચ રાખવામાં આવી હતી અને ગઈકાલે રાતે એસ.કે નગર ચોકડી પાસે વાહન ચેકિંગ દરમિયાન આ ગેંગના ચાર સભ્યોને ઝડપી પાડવામાં આવ્યા હતા.

આ ઘરના ચાર સભ્યો પૈકી બે સભ્યો ફેની અને નીરવ દુબઈથી આવતા હતા. અને અન્ય બે વ્યક્તિઓ ઉમેશ અને સાવંત અહીંથી સોનું મોકલવામાં મદદરૂપ થતા હતા અને આ લોકો એક ટ્રીપનું 25 હજાર રૂપિયા આપતાં હતા. તે ઉપરાંત આવા જવા માટેની ટિકિટ પણ આપવામાં આવતી હતી. ત્યાં રહેવાની તમામ સગવડો કરી આપવામાં આવતી હતી.

દુબઈથી સોનુ લાવવા માટે આ લોકો પોતાના અંદર ગારમેન્ટમાં, સૂઝમાં મૂકી છુંપાવીને લઈને આવતા હતા. આ લોકો સોનાને પેહલા પાવડર સ્વરૂપમાં લાવે છે અને ત્યારબાદ તેમાં કેમિકલ મિક્સ કરીને પેસ્ટ બનાવે છે. એ પેસ્ટમાં સેલો ટેપ મારીને એવા એક ઝેલ ફ્રોમ બનાવી દેવામાં આવે છે. જેને અંડર ગારમેન્ટસમાં મુકવામાં આવે છે અને સૂઝના સોલમાં પણ મુકવામાં આવે છે. અને સુરત આવી અહીં ઉમેશ અને નીરવને આપી દે છે. આ લોકો છેલ્લા છ મહિનાથી આ રીતે કાર્ય કરતા હતા. અને એક મહિનામાં પાંચ થી દસ ટ્રીપ મારતા હતા.