Published by : Rana Kajal

વડોદરાની SCI ઇન્ટરનેશનલ સિક્યુરિટી લિ. ના ડાયરેકટર વિક્રાંત શુક્લાએ ગોત્રી પોલીસ મથક વડોદરા ખાતે પોલીસ ફરીયાદ નોધાવી હતી. સિક્યુરિટી કંપનીના વહીવટ અંગે ઉભા થયેલા વિવાદના અનુસંધાને આ પોલીસ ફરીયાદ નોંધાઇ હતી. જેની તપાસ દરમિયાન પોલીસ ચોકવનારી માહિતી સાંપડી હતી. જેમાં ભરૂચના ડો. સુનિલ શાહે વિલાસ પતિ તેમની હોસ્પિટલ શાહ નર્સિંગ હોમમાં મૃત્યુ પામ્યા ન હોવા છતાં બોગસ સર્ટિફિકેટ આપતા તેના આધારે ભરૂચ નગરપાલીકા માંથી બોગસ મરણનો દાખલો લેવામાં આવ્યો હતો. તેવી જ રીતે હીરામણીનો પણ બોગસ મરણનો દાખલો બનાવવામાં આવ્યો હોવાનુ જણાતા વડોદરા પોલીસે ડૉ સુનિલ શાહની ધરપકડ કરી હતી.