શુક્રવાર 9 સપ્ટેમ્બરના રોજ રિલીઝ થયેલી ‘બ્રહ્માસ્ત્ર’એ પહેલા દિવસે કમાણીના રેકોર્ડ તોડી નાખ્યા છે. ઓપનિંગ ડે પર ઇન્ડિયામાં ફિલ્મે 35 કરોડનું કલેક્શન કર્યું છે. જયારે ગ્લોબલ બિઝનેસ ગ્રોસ 75 કરોડ રૂપિયાનો રહ્યો છે. કોરોનાકાળ બાદ સૌથી મોટું ઓપનિંગ મેળવનારી આ પહેલી ફિલ્મ બની છે. રણબીરની છેલ્લે રિલીઝ થયેલી છ ફિલ્મમાંથી ‘બ્રહ્માસ્ત્ર’ પહેલા દિવસે સૌથી વધુ કમાણી કરનારી ફિલ્મ બની ગઈ છે. આ પહેલાં રણબીર કપૂરની ‘સંજુ’એ 34.75 કરોડની કમાણી કરી હતી.

અયાન મુખર્જીના ડિરેક્શનમાં બનેલી 410 કરોડની ‘બ્રહ્માસ્ત્ર’એ હિંદી બેલ્ટમાં અંદાજે 30 કરોડની કમાણી કરી છે. ફિલ્મનું ફર્સ્ટ ડે કલેક્શન 75 કરોડ રૂપિયા છે. ફિલ્મે આંધ્રપ્રદેશ તથા તેલંગાનામાંથી 5.80 કરોડનો બિઝનેસ કર્યો છે. ટ્રેડ પંડિતોના મતે, ફિલ્મે ફર્સ્ટ વીકેન્ડમાં 100 કરોડની કમાણી કરશે. આ ફિલ્મમાં રણબીર-આલિયા ઉપરાંત નાગાર્જુન, અમિતાભ બચ્ચન, શાહરુખ ખાન, મૌની રોય સહિતનાએ મહત્વનો રોલ કર્યો છે.આ ફિલ્મ 9 સપ્ટેમ્બરના રોજ ભારતમાં 5019 સ્ક્રીન્સ પર તથા વિદેશમાં 3894 સ્ક્રીન્સ પર રિલીઝ થઈ છે. આ ફિલ્મ વર્લ્ડવાઇડ 8913 સ્ક્રીન્સ પર રિલીઝ કરવામાં આવી છે.

અયાનની આ ફિલ્મ ‘RRR’ના હિંદી વર્ઝનને એડવાન્સ બુકિંગમાં પાછળ મૂકી દીધું છે. રાજમૌલિની આ ફિલ્મનું એડવાન્સ બુકિંગ 7 કરોડનું હતું. તો ઓપનિંગ ડે માટે ‘બ્રહ્માસ્ત્ર’ની અંદાજે 11 કરોડ ટિકિટ વેચાઈ હતી. હિંદી બેલ્ટમાં 10 કરોડ રૂપિયાની ટિકિટ વેચાઈ હતી.