અમેરિકા

• દક્ષિણ કોરિયાના જોઈન્ટ ચીફ ઓફ સ્ટાફે આ જાણકારી આપી હતી….

ઉત્તર કોરિયાએ ફરી એકવાર બેલેસ્ટિક મિસાઈલ છોડી હતી. જે અંગે દક્ષિણ કોરિયાના જોઈન્ટ ચીફ ઓફ સ્ટાફે આ જાણકારી આપી. તેમણે કહ્યું કે ગત રોજ શનિવારે સવારે લોન્ચિંગ કરવામાં આવ્યું હતું, પરંતુ હથિયાર ક્યાં સુધી ગયું તે અંગે હજુ સુધી કોઈ સત્તાવાર માહિતી નથી. જૉકે જાપાન સરકારે પણ આ વાતની પુષ્ટિ કરી છે. તેમણે એમ પણ કહ્યું કે ઉત્તર કોરિયાએ સંભવિત બેલેસ્ટિક મિસાઈલ છોડ્યું હોઈ શકે છે. ઉત્તર કોરિયા દ્વારા બે અઠવાડિયાથી ઓછા સમયમાં શસ્ત્રોના પરીક્ષણનો આ છઠ્ઠો રાઉન્ડ છે. કોરિયન દ્વીપકલ્પના પૂર્વ કિનારે યુ.એસ અને દક્ષિણ કોરિયા દ્વારા નૌકા કવાયત બાદ આ મિસાઇલ છોડવામાં આવી હતી. આ કવાયતમાં અમેરિકન એરક્રાફ્ટ કેરિયર પણ સામેલ હતું. સાથે જ ઉત્તર કોરિયાની સેનાએ શનિવારે ચેતવણી આપી હતી કે કોરિયન દ્વીપકલ્પની નજીક યુએસ એરક્રાફ્ટ કેરિયર્સ પણ સામેલ છે. આનાથી પ્રાદેશિક સુરક્ષા પર ભારે નકારાત્મક અસર પડી રહી છે. આ સપ્તાહની શરૂઆતમાં ઉત્તર કોરિયાએ દક્ષિણ કોરિયાના નૌકાદળના જહાજોના દાવપેચ સામે મધ્યમ અંતરની બેલેસ્ટિક મિસાઈલ છોડી હતી, જે જાપાનની ઉપરથી પસાર થતી વખતે પેસિફિક મહાસાગરમાં પડી હતી. રીગન અને તેના દળો પછી કોરિયન દ્વીપકલ્પ નજીકના દરિયાઈ ક્ષેત્રમાં પાછા ફર્યા હતા

દક્ષિણ કોરિયાના જોઈન્ટ ચીફ્સ ઑફ સ્ટાફે શુક્રવારે સ્ફોટક માહીતી આપતા જણાવ્યુ હતુ કે આ બે દિવસીય નૌકા કવાયતમાં અમેરિકા અને દક્ષિણ કોરિયાના વિનાશક અને અન્ય જહાજો પણ સામેલ છે. આ કવાયત દ્વીપકલ્પના પૂર્વ કિનારે આંતરરાષ્ટ્રીય મેરીટાઇમ ઝોનમાં કરવામાં આવી રહી છે. આ કવાયતનો ઉદ્દેશ્ય સહયોગી દેશોની સંરક્ષણ ક્ષમતાઓને વધારવાનો છે. તેમાં દક્ષિણ કોરિયાના દક્ષિણી ટાપુ જેજુને બચાવવા માટે રીગનની તાલીમ પણ સામેલ હશે. એમ પણ જણાવ્યું હતું…