Published by : Rana Kajal

ઈન્દિરા ગાંધી નેશનલ ઓપન યુનિવર્સિટી દ્વારા અગ્નિવીરો માટે એક વિશેષ અભ્યાસક્રમ શરૂ કરવામાં આવ્યો છે. IGNOU દ્વારા અગ્નિવીરોને ત્રણ વર્ષનો ગ્રેજ્યુએશન કોર્સ ઓફર કરવામાં આવ્યો છે. આ અંગે IGNOU અને સુરક્ષા દળો વચ્ચે MoU પર હસ્તાક્ષર કરવામાં આવ્યા છે. આ પ્રોગ્રામ હેઠળ, અગ્નિવીર કુલ 120 ક્રેડિટ માટે આ કોર્સ કરી શકે છે. આ પ્રોગ્રામ નવી શિક્ષણ નીતિ 2020 હેઠળ અગ્નિવીર માટે તૈયાર કરવામાં આવ્યો છે.

અગ્નિવીર માટે રચાયેલા આ વિશેષ કાર્યક્રમ હેઠળ કુલ 120 ક્રેડિટ્સ હશે. આમાં અગ્નિવીર તેની તાલીમ દરમિયાન 60 ક્રેડિટ મેળવી શકશે. આ પછી અગ્નિવીરોએ કોર્સમાંથી 60 ક્રેડિટ્સ મેળવવાની રહેશે. આ કોર્સ પૂર્ણ કરવા માટે ઉમેદવારો પાસે 6 વર્ષનો સમય હશે. કોર્સ પૂરો થયા પછી સ્નાતકની ડિગ્રી સાથે ઉમેદવારોને સ્કિલ સર્ટિફિકેટ પણ મળશે.