Published by : Vanshika Gor

કરિશ્મા કપૂર 90ના દાયકાની શાનદાર એકટ્રેસ રહી છે. હવે ટૂંક સમયમાં જ કરિશ્મા વેબ સીરિઝ ‘બ્રાઉન’થી એક્ટિંગમાં પાછી ફરી રહી છે. આ સીરીઝમાં કરિશ્મા રીટા બ્રાઉનનો રોલ કરી રહી છે. જે પોલીસ ઓફિસર છે. કરિશ્માએ પોતાના આ પાત્ર વિશે ઘણી વાતો કરી છે. રીટા બ્રાઉનનો રોલ ગ્લેમરથી દૂર છે. આ એક થ્રિલર સિરીઝ છે જેને લઈને કરિશ્મા ખૂબ જ ઉત્સાહિત છે.

મોટા કલાકારો આવશે નજર
અભિક બરુઆની બ્રાઉન વેબ સિરીઝ વર્ષ 2016માં પ્રકાશિત થયેલા પુસ્તક ‘સિટી ઓફ ડેથ’ પર આધારિત છે. આ સિરીઝનું નિર્દેશન અભિનય દેવે કર્યું છે. બ્રાઉન સિરીઝમાં કરિશ્મા કપૂર, હેલન, સોની રાઝદાન, સૂર્યા શર્મા અને કેકે રૈના જેવા કલાકારો જોવા મળવાના છે.

ગ્લેમરથી દૂર છે કરિશ્માનું પાત્ર
કરિશ્મા કપૂરે પોતાની આગામી સિરીઝ વિશે વાત કરતાં કહ્યું કે, ‘મારી લાંબી કરિયર છે. મેં ઘણી અલગ-અલગ ભૂમિકાઓ ભજવી છે, પરંતુ જ્યારે મેં રીટા બ્રાઉનનું પાત્ર વાંચ્યું ત્યારે મને લાગ્યું કે તે ખૂબ જ અલગ હતી. તે ભૂલોથી ભરેલી છે, પરંતુ માનવ, સુપર સ્માર્ટ, સુપર બુદ્ધિશાળી અને તમે ખરેખર આ સ્ત્રીનો વિકાસ જોઈ શકો છો. ગ્લેમર અને ચમકથી દૂર રહેવું મારા માટે ખૂબ જ રસપ્રદ હતું.

રોલ માટે શીખી બંગાળી ભાષા
તમને જણાવી દઈએ કે ‘બ્રાઉન’ સિરીઝમાં કરિશ્મા એક મજબૂત પોલીસની ભૂમિકામાં જોવા મળશે. કરિશ્માએ પોતાના રોલ માટે ઘણી મહેનત કરી છે. તેણે થાકેલા દેખાવા માટે કોઈ મેક-અપ કર્યો નહતો. રીટા બ્રાઉનના રોલ માટે તેણે બંગાળી ભાષા શીખી હતી.