Viacom18 એ સોમવારે 2023-2027ના સમયગાળા માટે મહિલા ઇન્ડિયન પ્રીમિયર લીગ (IPL)ના મીડિયા અધિકારો જીત્યા છે. સોમવારે મુંબઈમાં એક હરાજીમાં, Viacom18 એ INR 951 કરોડની બિડ સાથે રાઇટ્સ જીત્યા છે. જેનું પ્રતિ મેચ મૂલ્ય INR 7.09 કરોડ થાય છે. BCCIના સચિવ જય શાહે ટ્વિટર દ્વારા આ જાહેરાત કરી છે. આ જાહેરાત સાથે, Viacom18 પાસે હવે 2023 થી 2027 સુધી મહિલાઓના IPL મીડિયા અધિકારો વિશેષરૂપે રહેશે.

જય શાહ તરફથી Viacom18 ને અભિનંદન આપતા સત્તાવાર ટ્વીટમાં લખ્યું છે, “viacom18 ને વિમેન્સ IPL મીડિયા અધિકારો જીતવા બદલ અભિનંદન. BCCI અને BCCIWomen માં તમારા વિશ્વાસ બદલ આભાર. Viacom એ INR 951 કરોડ પ્રતિબદ્ધ કર્યા છે જેનો અર્થ પ્રતિ મેચ મૂલ્ય INR 7.09 કરોડ છે. .” આગામી 5 વર્ષ (2023-27) માટે આ મહિલા ક્રિકેટ માટે વિશાળ છે.

આ વર્ષની શરૂઆતમાં, Viacom18 એ IPL મીડિયા અધિકારો 2023-27 માટે ભારતીય ઉપખંડ માટે ડિજિટલ અધિકારો (પેકેજ B અને C) નો દાવો કરવા માટે INR 23,758 કરોડનો ખર્ચ કર્યો હતો. Viacome18 એ સમાન સમયગાળા માટે ઓસ્ટ્રેલિયા, દક્ષિણ આફ્રિકા અને યુનાઇટેડ કિંગડમના અધિકારો પણ જીત્યા હતા. તેમની પાસે 2024-31 દરમિયાન દક્ષિણ આફ્રિકામાં ચાલી રહેલી SA20 ફ્રેન્ચાઇઝ લીગ અને આંતરરાષ્ટ્રીય ક્રિકેટના ભારતીય પ્રસારણ અધિકારો પણ છે.