Published by : Rana Kajal

• યાત્રાળુઓમાં વેદના છવાઈ… ઘોડા જેવા મૂંગા પ્રાણી પર થતી બળજબરી નો વિડિયો તાજેતરમા વાયરલ થયો છે

બે યુવકોએ ઘોડાનું મોં પકડી રાખ્યું છે અને તેના એક નાક પર હાથ મૂકીને તેને બંધ કરી દીધું છે. જ્યારે બીજા નાકમાંથી બીડી ખવડાવવાનો પ્રયાસ કરવામા આવી રહયો છે … ઉત્તરાખંડના કેદારનાથ ધામની મુલાકાત દરમિયાન બે લોકોએ ઘોડાને બળજબરીથી બીડી ખવડાવવાનો પ્રયાસ કર્યો હતો. આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.વીડિયોમાં જોઈ શકાય છે કે બે યુવકોએ ઘોડાનું મોં ચુસ્તપણે પકડી રાખ્યું છે અને તેના એક નાક પર હાથ મૂકીને તેને બંધ કરી દીધું છે. જ્યારે બીજા નાકમાંથી બીડી ખવડાવવાનો પ્રયાસ કરે છે. આ સમગ્ર ઘટના દરમિયાન ઘોડો કણસતો પણ જોવા મળ્યો હતો. પરંતુ યુવકોએ પોતાનું કૃત્ય ચાલુ રાખ્યું હતું.જણાવવામાં આવી રહ્યું છે કે આ વીડિયો કેદારનાથ ધામની મુલાકાત દરમિયાનનો છે. વીડિયો જોનારા યુઝર્સે આ ઘટનાની સખત નિંદા કરી છે . આ ઘટના ખૂબ જ ચિંતાજનક છે કારણ કે હજારો લોકો કેદારનાથ જવા માટે ઘોડા બુક કરાવે છે. જ્યારે ઘોડાઓને તેમના માલિકો દ્વારા બીડી કે સિગારેટ ખવડાવવામાં આવે છે અને સુંઘવામાં આવે છે. હવે આવી સ્થિતિમાં જો લોકો આવા ઘોડા પર સવાર થઈને કેદારનાથની યાત્રા કરે તો તેમની સાથે ગંભીર અકસ્માત પણ થઈ શકે છે. જે અંગે પોલીસ તંત્ર દ્વારા તાત્કાલીક પગલા ભરવામાં આવે જ્યારે પોલીસે જણાવ્યુ છે કે આવી ઘટનાઓ પર તાત્કાલિક કાર્યવાહી માટે, નજીકની ફરજ પરની પોલીસ અથવા 112 ને જાણ કરો.”