Published by : Vanshika Gor

• બદ્રીનાથ નેશનલ હાઈવે પર દિવસેને દિવસે તિરાડો વધી રહી છે.

ઉત્તરાખંડના જોશીમઠમાં ભૂસ્ખલનની સ્થિતિ ગંભીર થઈ રહી છે. પહેલાથી અસ્તિત્વમાં રહેલી તિરાડો સતત પહોળી થઈ રહી છે. ઘરો અને ખેતરો પછી અને બદ્રીનાથ નેશનલ હાઈવે પર દિવસેને દિવસે તિરાડો વધી રહી છે. રસ્તા પર તિરાડોની સાથે સાથે કેટલાક દિવસોથી મોટા ખાડા પણ પડવા લાગ્યા છે. શહેરના કેટલાક સ્થળોમાં બદ્રીનાથ હાઈવે પણ હળવો ધસવા લાગ્યો છે. ચારધામ યાત્રાના પ્રારંભ પહેલા તિરાડોએ ચિંતા વધારી દીધી છે.

રોપ વે તિરાહેની પાસે ખાડો

બદ્રીનાથ નેશનલ હાઈવે પર રોપવે તિરાહે પાસે 3 દિવસ પહેલા બનેલો નાનો ખાડો ધીમે ધીમે મોટો થઈ રહ્યો છે પરંતુ 3 દિવસ પછી પણ વહીવટીતંત્ર અને બીઆરઓએ આ વિસ્તારનો સર્વે કર્યો નથી. જેના કારણે અહીં પાર્ક કરાયેલા વાહનો ખાડામાં ન ફસાઈ જાય તે માટે લોકોએ ખાડાની બાજુમાં જ પથ્થરો મૂક્યા છે. સ્થાનિક વેપારીઓ સૂરજ ભટ્ટ અને દીપક શાહનું કહેવું છે કે આ ખાડો અંદરથી એકથી દોઢ ફૂટ પહોળો લાગે છે અને સાથે જ લાકડી નાખવા પર તેની લંભાઈ 15 ફૂટથી વધુ છે.

આ માર્ગો પર છે તિરાડો

ઉત્તરાંચલ ગ્રામીણ બેંકથી નૃસિંહ મંદિર થઈને પેટ્રેલ પંપ સુધીના રસ્તામાં 15 જગ્યાએ તિરાડો

રોપ-વે તિરાહેથી લઈને મુખ્ય બજાર થઈને પેટ્રોલ પંપ સુધી 8 જગ્યાએ તિરાડો

મારવાડી જેપીથી બાઈપાસ કટિંગ પોઈન્ટ સુધી 5 જગ્યાએ માર્ગમાં તિરાડો

ઝીરો બેન્ડથી જેપી ગેટ સુધી 3 જગ્યાએ માર્ગમાં તિરાડો

ઓલી મેટર વેમાં 5 જગ્યાએ તિરાડો

બીઆરઓને શહેરના તમામ રસ્તાઓની ચકાસણી કરી તેનું સમારકામ કરવા માટે બ્લુ પ્રિન્ટ તૈયાર કરવા નિર્દેશ આપવામાં આવ્યો છે. બીઆરઓએ કેટલીક જગ્યાએ રસ્તામાં પડેવી તિરાડો અને ખાડા તેમજ તૂટેલી દિવાલોનું સમારકામ કરવાનું શરૂ કરી દીધું છે. બીઆરઓએ ખાતરી આપી છે કે બદ્રીનાથા યાત્રા શરૂ થાય તે પહેલા આખો રસ્તાનું સમારકામ કરી દેવામાં આવશે.