Published By : Aarti Machhi

અમેરિકાના સંરક્ષણ વિભાગના કાર્યાલય પેન્ટાગોને ડિફેન્સ સ્ટ્રેટેજીથી સંબંધિત માર્ચમાં બાઇડેન વહીવટીતંત્રને સોંપેલા ગોપનીય દસ્તાવેજોને હાલમાં જ જાહેર કર્યા છે. તેમાં અમેરિકાએ ભારત અને ચીન વચ્ચે તણાવને લઇને પોતાનું વલણ સ્પષ્ટ કર્યું છે. જૉકે પેન્ટાગોને વ્યૂહાત્મક ઉપરાંત પરમાણુ સમીક્ષા તેમજ મિસાઇલ ડિફેન્સ સમીક્ષા પણ જારી કરી છે. આ80 પેજના દસ્તાવેજમાં વૈશ્વિક ખતરા વિશે રશિયાનો 89 વાર તો ચીનનો 88 વાર ઉલ્લેખ કરવામાં આવ્યો છે. તેમાં ચીનની વિસ્તારવાદી નીતિનો પણ ઉલ્લેખ કરાયો છે. આ ઉપરાંત એમ પણ કહેવાયું છે કે ચીન પોતાના પાડોશી દેશોની સરહદ પર દબાણ ઊભું કરી રહ્યું છે. તે સાથે પૂર્વ ચીનથી લઇને દક્ષિણ ચીન સમુદ્ર, તાઇવાન અને ભારત પાસેની વાસ્તવિક નિયંત્રણ રેખાને લઇને પણ ચીનનું આવું જ જક્કી વલણ છે. બાઇડેન વહીવટીતંત્રની નીતિ અંગે સ્પષ્ટતા વિશે દસ્તાવેજમાં કહેવાયું છે કે ચીન ધોંસ જે ક્ષેત્રોમાં વધી રહ્યું છે, તે કાબુમાં રાખવા અમેરિકા ભારત સાથે સંરક્ષણ સમજૂતી કરવા પ્રતિબદ્વ છે. અમેરિકા હિન્દ મહાસાગર ક્ષેત્રમાં મુક્ત રીતે અવરજવર થાય તે પણ સુનિશ્વિત કરવા માંગે છે.પેન્ટાગોને ચીન સાથે વાતચીતનો માર્ગ ખુલ્લો રાખવાનું નક્કી કર્યું છે, જેથી ચીનને શાંતિપૂર્ણ રીતે સમજાવવાનો પ્રયાસ થઇ શકે. એમ જણાવાયુ છે.